Merkezê Çapemenî û Îrtîbatî yê HPG’yî bi eşkerayîyêka nuştekîye da zanayene ke çalkîyê gerîlayanê HPG û YJA Starî yê vera îşxalkaran dewam kenê û vat çalakîyanê peyênan ê Vakur û Başûrê Kurdistanî de yewê ci sergord 13 leşkerî ameyî kiştene û 7 zî birîndar bîyî.

Hîrayîya eşkerayîye de nê ameyî parekerdene:

Bedlîs de Sergord Zafer Akkûş zî tede 7 leşkerî ameyî kiştene

‘’Hêzanê ma 19’ê Temmuze de qezaya Xîzanî ya Bedlîsî de vera leşkeranê Tirkî çalakîya sabotajî viraşte. Çalakîye de Fermandarê Cendirmeyan ê Merkezê Bedlîsî  Sergord Zafer Akkûş zî tede 7 leşkerî ameyî kiştene 5 zî birîndar bîyî. Dimayê çalkakîye îşxalkaran derûdorê  herêma çalakîye bombardûman kerd. Yewîya ma ya ke çalakîye viraşte weşûwar resaye cayê  xo.

Tetwan de Çalakîya Sabotajî

Heman roje de herêma Şehîde Mizgîne ya qezaya Tetwanî ya Bedlîsî de vera îstasyonê bazî çalakîya sabotajî ameye viraştene. Çalakîye de îstasyon temamî de ame îmhakerdene.

Dola Çîngene de Îşxalkarî  Ameyî Pirodayene

18’ê Temmuze de herêma Dola Çîngene ya Xakurkê de leşkerê ke waştêne bi Skorskîyan xo herême de ca bikerê hedef ameyî girewtene. Yewîyê dişmenî yê ke di hetan ra bitesîr ameyî pirodayene ra 4 leşkerî ameyî kiştene 1 zî birîndar bi. Hêzanê ma heman wextî de yew drone îmha kerde. Dimayê çalakîye artêşa Tirkî bi Skorskîyan leşkerê xo yê merde û birîndarî zî girewtî û herême ra kewtî dûrî.

Qilê Helîkopterî de Çalakîya Sabotajî

20’Temmze de hêzanê ma vera îşxalkaranê ke Qilê Helîkopterî de xo ca kerdo çalakîya sabotajî viraşte. Na çalakîye de 2 leşkerî ameyî kiştene 1 zî birîndar bi. Dimayê çalakîye herême ameye bombardûmankerdene. Hêzê yê ke çalakîye viraşte weşûwar resayê cayê xo.

Şirnex de Leşkerî Ameyî Pirodayene

Çarçeweya Hemleya Qesayî ya Şehîd Medya Mawa û Şehîd Rizgar Geverî de  19’ê Temmuze de nêzdîya dewa Zivingê ya Şirnexî de leşkerî ke erazî de gêrayêne ameyî pirodayene. Hûmara merde û birîndaran ê dişmenî zelal nêbîye. Badê çalakîye îşxalkaran merde û birîndarê xo zî girewtî herême ra vejîyayî.

Bombardûmanê Geverî de 2 Gerîlayî Şehîd Bîyî

18’ê Temmuze de artêşa Tirkî ya îşxalkare herêma Talê ya qezaya Geverî ya Colemêrgî bi teyareyanê şerî  bombardûman kerde. Nêtîceya nê bombardûmanî de 2 embazê ma şehîd bîyî. Sîcîlê embazanê ma do dima ra bêrê parekerdene.

Metîna de Hêrişê Hewayî

Teyareyanê şerî yê artêşa Tirkî 19’ê Temmuze de Qilê Colemêrgî yê Metîna, 20’ê menge de zî herêma Şehîde Berîtane ya Xakurkê bombardûman kerdî. Nê bombardûmanan de vînîbîyayeyê ma çîn ê.’’