Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

Botan

''Dewleta tirke ya îşxalkere Botan de mabênê herêmanê Gabar û Çiravî de dewa Awalî de qereqol û kuleqol înşa kerdî. Dewleta tirke tîya semedê îşxalî rayîrê leşkerî virazena. Hêzanê ma 20ê teşrîna verên a 2021î de waşt grûbêka kontrayan dewa Baretî de vindarno. Kontrayanê ke adir kerd hêzanê ma ser ra ameyî pirodayene. Kontrayêk ame cezakerdene û wesayîtêk ame derbkerdene. Dewleta tirke binê kilifanê cîya bîyayan de semedê çimdarîya nuqtayanê gerîlayan kontrayan şawena herêma Gabarî. Wa şarê ma yê herême hîsgêr bo. Nê kontrayî eke verê xo bidê nuqtayanê leşkerîyan do bêrê hedef girewtene. Wa hayîya înan pê bibo.

Avaşîn

Warê Xoverdayîşî yê Werxelê de 21ê hezîrane de îşxalkerî di rey hetê hêzanê ma ra pê çekanê giranan û taktîkê sabotajî ameyî pirodayene. Çalakîyan de 2 îşxalkerî ameyî cezakerdene û 2 îşxalkerî birîndar bîyî.

Metîna

Girê Şehîd Çekdarî de 21ê hezîrane de nîşadarêko tuj ê dişmenî hetê hêzanê ma ra ame cezakerdene.  Îşxalkerî saetanê şanî de tîya reyna ameyî pirodayene. Eynî roje Warê Xoverdayîşî yê Hakarî de hêzanê ma Girê Şehîd Akîfî de da îşxalkeran ro. Çalakîye de 6 îşxlakerî ameyî cezakerdene û mewzîyêke ameye îmhakerdene. Girê Şehîd Leşkerî de zî helîkopterê ke waştêne leşkeran herême de rono ame pirodayene û mecbur mend peyser agêro.

Bombarduman

Artêşa tirke ya îşxakere 21ê hezîrane de zî hêrişê xo domnayî. Warê Xoverdayîşî yê Karker, Werxelê û Girê Şehîd Çekdarî pê teqaber û çekanê kîmyewîyan û  warê Girê Ortê, Girê Hakarî, Werxelê, Girê Bahar, Kunîşka, Girê Cûdî, Girê FMyî pê helîkopter, teyarayan û obusan dîyayî bombayan ver.''