Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

“Botan de;

21ê hazîrane de herêma Sîxurpaşayî ya Elkêya Şirnexî de hemrayê ma Alîşer (Murat Yalçin) û Maaz ( Bişar Bahadir) gama ke wezîfeyê xo kerdêne herême hetê dewleta tirke ra ameye bombardumankerdene. Bombardumanî heta 22ê hazîrane  dewam kerd. Netîceya bombardumanî de wird hemrayê ma yê ke bi giranî birîndar bîyî, esîr kewtî

Herêma Zapî;

6ê temuze de Warê Xoverdayîşî yê Girê FMyî de sîstemê radarî yê dişmenî  hetê hêzanê ma yê YJA Starî ra pê çekanê giranan ame îmhakerdene.

Bombarduman

4 û 5ê temuze de Warê Xoverdayîşî yê Girê Cûdî, Girê Bahar, Girê Amedîyê yê Herêma Rojawanê Zapî yê Şehîd Delîlî, Warê Xoverdayîşî yê Sîda yê Zapî, Warê Golka û Girê Hakkarîyê Metîna bi seyan rey pê teyarayanê şerî, obus, tanq û çekanê giranan dîyayî bombayan ver.”