Merkezê Îrtîbatî û Çapemenîye yê HPGyî bi eşkerayîyêke da zanayene ke Şoreş Şêwkî Serhed de netîceya îxanetî de şehîd bîyo. 

Eşkerayîye wina ya: 

''Ewladê şarê ma yê Botanî, milîtanê partîya ma embazê ma Şoreş Zêwkî 11ê teşrîna peyêne ya 2023yî de Serhed de netîceya îxanetê unsurêkî de şehîd bi. Unsuro ke bîyo sebebê şehadetê embaz Şoreşî tepişîya, tira hesab persîya û qesasê ey ame girewtene.

Eşqê embazê ma yê seba welat û şarê xo, perwerîya ci ya armancî, embazîya ci ya samîmî, cesaretê ci yo pîl û şorişgêrîya ci ya nimûne do ma rê bibê rêber. Ma soz danê ke xeyal û armancanê ci bîyarê ca. Ma sere de keyeyê ci û eşîra Zêwkî ya welatperwere rê pêro şarê ma yê welatperwerî rê serweşîye wazenê.

Nasnameyê embazê ma Şoreş Zêwkîyî wina yo:

Embazê ma Şoreş keyeyêkê pabesteyê baska Zêwkî ya eşîra Ertûşîyan de dadîya xo ra beno. Keyeyê ci tedayanê dewleta kolonyalîste ra koçê merkezê Wanî keno û embaz Şoreş uca de beno pîl. Embaz Şoreş dima ke 2007 de wara ci Bêrîtane-Mercane Erkol tewra gerîlayan bena, beno şorişgêrêko profesyonel. O 2013 de zî tewrê gerîlayan beno.

Embaz Şoreş wextêk Wan de perwerde vîneno, dima verê xo dano Herêmanê Pawitişî yê Medya. Dima ke waka ci û dezayê ci refanê gerîlayan de şehîd benê hêrsê embaz Şoreşî zêdîyeno. O asta akademîke de tewrê perwerdeyan beno.

Embaz Şoreş ancî verê xo dano Vakurê Kurdîstanî. Embaz Şoreş bi ruh û bedenê xo tewrê têkoşînî beno û bi xurtî xo ver dano. O beno gerîlayêko nimûne.''