Merkezê Pawitişî û Çapemenîye yê HPGyî derheqê gerîlayo ke Girê Qertalî yê Avaşînî de şehîd bîyo eşkerayîye daye.

Eşkerayîye wina ya:

''Artêşa tirke ya îşxalkere 23ê nîsana 2021î de dest pê hêrişanê îşxalî kerdbî û semedo ke pê îradeyê gerîlayanê azadîye nêeşkaye dest eşt metodanê vera merdimîye û waşt bi nê hawayî ser bikewa. Artêşa kolonyalîste pêro hêrişanê xo de raşta çeperê xoverdayîşî yê gerîlayanê azadîye ameye û tewr peyên 27ê teşrîna verêne ya 2021î de Girê Qertalî yê Avaşînî de hêrişêko îşxalker dabi destpêkerdene. Tîya de şexsê embaz Yilmaz Girêsorî de xoverdayîşêko tarîxî ame kerdene. Artêşa îşxalkere nêeşkaye nê xoverdayîşê tarîxî bişikna û pê şuxilîyayîşê çeka kîmyewîye waşt netîceyêke bigêra. Nê hêrişê bêmerdimîye de embaz Yilmaz şehîd bi.

Nasnameyê embaz Yilmazî wina yo:

Nameyê Qodî: Yilmaz Girêsor Name û Peyname: Mîkaîl Şenateş Cayê Bîyayîşî: Riha Maye-Pî: Hawa – Huseyîn Tarîx û Cayê Şehadetî: 27ê Teşrîna Verêne ya 2021î /Avaşîn

Embaz Yilmaz Sêwrege de keyeyêkê welatperwerî de dadîya xo ra bîyo. Ey xebatanê ciwanan de ca girewt û dima wextê hêrişanê vera Rojawanî de 2018 de tewrê gerîlayan bi. Embaz Yilmaz cade cuya gerîlatîye musa û bi coşî tewrê karanê gerîlayan bi. Embaz Yilmazî pêro mesuldarîyê xo ardî ca û dima bi rolê fermandarîye têgêra. Bi taybetî 2018-20 de Avaşîn de ey rayberîya xeylêk çalakîyanê serkewteyan kerde û derbê giranî dayî dişmenî ro. Embaz Yilmaz cuya xo de zî tewirê xo yo zerrînizm tim pawit û şer de tim bi milîtanêko mîsal.

Embaz Yilmazo ke hêrişê peyênî yê vera Girê Qertalî de fermandarîye kerdêne vera hêrişanê dişmenî tewirê xo ra tawîz nêda. Uca de rixmê teknîkê dişmenî zî ey milîtanîye ra apey gamêke nêeşte û dişmen kerd gêj. Dişmenî ney ser o reyna muracatê metodan ê gemarinan kerd û gazo kîmyewî şuxilna. Embaz Yilmazo ke bibi sembolê xoverdayîşê Girê Qertalî semedo ke pê gazê kîmyewî xo ra nêşoro û nêkewo destê dişmenî xo ser de bomba teqnaye û şehîd bi.

Embaz Yilmazî rûmetê şarê ma pawit. Sere de keyeyê ci yê ercîyayeyî rê ma pêro şarê welatperwerî yê Kurdîstanî rê serweşîye wazenê. Ma soz danê ke vîrameyîşê şehîdan pê serkewtişî tacîdar bikerê. Ma do tewirê embaz Yilmaz Girêsorî tim xo rê bikerê mîsal.''