Merkezê Îrtîbatî û Çapemenîye yê HPGyî vat: ''Mîlîtano kedkar ê partîya ma PKKyî endamê Fermandarîya Eyaletê Serhedî fermandaro Apoyî Şêxmûs Milazgîr 18ê hezîrana 2024î de warê Gilîdaxî de pêkewtişê bi artêşa tirke de şehîd bi.

Hemrayê ma  Şêxmûs çar hetanê Kurdîstanî de 32 serrî bêmabên têkoşîn kerd. Pêkewtişê xo yê peyênî de zî vera yew artêşe têna kewt mewzî, bêters şi dişmenî ser bi hewayêkê qehremankî şer kerd û şehîd bi.

Ma soz danê ke ma wayîrê vîrameyîşê hemrayê xo Şêxmûsî bivejîyê. Ma sere de keyeyê ci, şarê esilî yê Serhedî û heme şarê şarê welatperwerî yê Kurdîstanî  rê serweşîye wazenê.

Nasnameyê hemrayê ma Şêxmûs Milazgîrî wina yo:

Hemrayê Şêxmûs Mîlazgîrê Mûşî de keyeyêkê welatperwerî de yeno dinya û bi kulturê qedîmî yê Serhedî beno pîl. Hemrayê Şêxmûs 1992 Erzirom de tewrê refanê gerîlayan beno û perwerdeyê xo yê verênî tîya de hemrayanê xo ra geno. Serranê 1993 û 1994 de sey gerîlayêkê serkewtişî yê ARGKyî xeylêk çalakîyanê herêma Erziromî de ca geno. Tîya pêkewtişêk de lingê xo ra birîndar beno la nê semedê xo sey astengî nêvîneno û demê kilmî de beno weş û têkoşînê xo domneno. 1996 de reyna birîndar beno la no zî verê ci de asteng nêbeno.

Hemrayê Şexmûs 1999 de gama ke bi vengdayîşê Rayberîye gerîlayî ancîyayî Herêmanê Pawitişî yê Medya pîya bi grûbêke Vakurkê Kurdîstanî de maneno û têkoşînê xo rê dewam keno. Xebatê ke ey o wextî de kerdî dima bîyî bingeyê Hemleya 1ê Hezîrane ya 2004î. Hemrayê ma Şêxmûs pêra verê xo dano  Herêmanê Pawitişî yê Medya  û tîya Mektebê Merkezê Partî de perwerde vîneno. Wexto  kilm Herêmanê Pawitişî yê Medya de maneno û 2002 de verê xo dano herêma Serhedî, tîya 3 serrî maneno û xebatanê muhîman de ca geno. Seba ke gerîlayî newe ra Vakurê Kurdîstanî de bêrê caakerdene keda pîle dano. Badê nê xebatanê serkewteyan reyna agêreno Herêmanê Pawitişî yê Medya û narey Akademîya Leşkerî ya Mahsûm Korkmazî de perwerde vîneno. 

Mabenê serranê  2007-2010î de reyna herêma Serhedî de falîyet rayra beno. 2010 de bado ke agêreno Herêmanê Pawitişî yê Medya Akademîya Hakî Karerî de perwerde vîneno û dima ravîyereno Xakurkê. 2011 de Xakurkê de birîndar beno la rixmê nê operasyonê şorişgêrî de rolêkê muhîmî geno xo ser. Bado ke Xakurkê de wezîfeyê xo biserkewtişî ano ca 4 serrî waranê cîya cîyayan ê Kurdîstanî de xebat keno. Dima ra sey fermandarêkê Apoyî tewrê perwerdeyê Ocaxê PKKyî yê Şehîd Sakîne Cansiz beno. Heta serra 2019î waranê cîyayan de xebatanê şorişî rayra beno û sey fermandarê afirnayoxî  û hemrayîya xo ya samîmî zerrîya heme hemrayanê xo û şarê ma de ca geno. Hemrayê ma Şêxmûs sey  endamê fermandarîya eyalatî reyna agêrano Serhadî û tîya beyraqa Têkoşînê Azadîye yê Kurdîstanî Koyê Agirî de têşaneno.''