HPG: Gerîlayan seba vîrardişê Şehîd Helmetî xeylî çalakîyî viraştî

HPG’yî da pêhesnayene ke çalakîyanê gerîlayan ê vera artêşa Tirkî de di payeberzî zî tede xeylî eskerî ameyî kiştene.

Merkezê Çapemenî û Îrtîbatî yê HPG’yî da zanayene ke gerîlayanê HPG û YJA Satarî seba vîrardişê Şehîd Helmetî xeylî çalakîyî viraştî û nê pare kerdî:

“5’ê Temmuze de Endamê Konseya Serekîya Pêroyîye ya KCK’yî Dîyar Xerîb û hemrayê ma Şahîn û Devran hêrişê dewleta Tirkî ya îşxalkare yo ke bi paştdayîşê ajanan ê cayîyan ame kerdene de  şehîd bîyî. Hemra Helmet Zereyê têgêrayîşê azadîye de payeyanê berzan de bi mesuldarî têgêra. organîzekerdişê şarê Başûrê Kurdistanî de, afernayîşê zihnîyetê cimatperwerî û demokratîkî de keda ey xeylî vêşî ya. Bêşik o ke no hêriş vera xetê Rayberîye û yewîya şarê ma ya neteweyîye ame viraştene. Do hesabê nê hêrişî yo ke bi destê hemkaranê dewleta Tirkî yê cayîyan ame viraştene bêro persayene. Na çarçewe de ma Şehîd Helmet (Dîyar Xerîb Mûhammed) û mîlîtananê ma yê erjayeyan Şehîd Şahîn û Şehîd Devran bi hurmet yad kenî û merdimanê înan û şarê Kurdistanî yê welatperwerî rê serweşîye wazenê.

Çalakîya Sabotajî yê Gerîlayan de 2 Payeberzî Ameyî Kiştene

Çarçeweya Hemleya Şorişgêre ya  Şehîd Bager û Şehîd Ronya de hêzanê ma 9’ê Temmuze de Şemzînanê Colemêrgî de da îşxalkaran ro. Çalakîya sabotajî ya ke vera di wesayîtanê eskerî yê ke ver bi Qilê Xwedê yê Avaşînî şîyêne ameye viraştene de wesayîtêk temamî de ame îmhakerdene o bîn zî ame derbkerdene. Tesbîtkerde di eskerê payeberzî ameyî kiştene di eskerî zî birîndar bîyî. Yeno ercnayene ke xeylî eskerî ameyî kiştene.

Çarçeweya hemleye de 8’ê Temmuze de Geverê Colemêrgî de vera eskeranê ke herêma Derîyê Caferî de ameyî cakerdene de çalakîyêk ameye viraştene. Çalakîya ke îşxalkarî di hetan ra ameyî pirodayene de 5 eskerê dişmenî ameyî kiştene.

Artêşa Tirkî ya îşxalkare  dekewtişê qezaya Qelqeliya Wanî de nuqtaya asayîşî virazena.  Hêzanê ma vera polîsanê ke asayîşê na nuqtaye wezîfedar ê çalakîyêk viraşte. Çalakîya ke 6’ê Temmuze de çarçeweya Hemleya Şehîda Medya Mawa û Şehîd Rizgar Geverî de ameye viraştene de 2 polîsî ameyî kiştene 3 polîs zî birîndar bîyî. Nê her hîrê çalakîyan de zî hêzê ma weşûwar resayî cayê xo.

Operasyonê Artêşa Tirkî yê Geverî Dewam Keno

5’ê Temmuze de dewleta Tirkî dewanê Berdereş, Babawa û Sêguza yê ke herêma Delîyê Doskî yê Geverê  Colemêrgî de yê operasyon da destpêkerdene. Operasyon hema yeno dewamkerdene.

Dortyolê Hatayî de Xeylî Eskerî Ameyî Kiştene

1’ê Temmuze de artêşa Tirkî qezaya Dortyolî ya Hatayî de operasyonêk da destpêkerdene. 2’ê Temmuze de mabênê hêzanê ma û artêşa Tirkî de wareyanê Ovacik û Tokdagî de pêkewtişêk vejîya. Pêkewtiş de xeylî eskerî ameyî kiştene. Embazêkê ma zî bi şerkerdişêkê qehrenmankîyî şehîd bi. Heman roje de hêzanê ma reyna da îşxalkaran ro la hûmara merde û birîndaran zelal nêbîye. 8’ê Temmuze de operasyon kismî peyser ancîya la yewîye nimteyî erazî de mendî.

Medyaya Tirkî Derheqê Şehadetan de Xeberanê Zûran Virazena

7’ê Temmuze artêşa Tirkî vera herêma wareyê Yunsunî yê qezaya Kirikhanî ya Hatayî hêrişê hewayîyî viraşt. Nê hêrişî de vînîbîyayeyê ma çîn ê. Artêşa Tirkî û medyaya hawuzî  vat hîrê embezê ma şehîd bîyî. Nê xeberî raşt nêyê. Teyna 1’ê Temmuze de embazêkê ma şehîd bîyo.