Merkezê Çapamenî û Îrtîbatî yê HPG’yî derheqê çalakîyanê gerîlayan  û hêrişanê artêşa Tirkî de zanayîş da.

Eşkerayîye de ca dîya nînan:

‘’Artêşa Tirkî ya îşxalkare wextêk o qezaya Geverî ya Colemêrgî de hêrama Çarçele da bi paştdayîşê kontrayan daman nana ro. 18’ê Hezîrane de hêzanê ma nêzdîya herêma Gelîyê Doskî de mabenê dewanê Sêguza û Berdereşe de kontrayî hedef girewtî. Pirodayîşo verên de 4 leşkerî ameyî kiştene û pêkewtiş dest pêkerd. Leşker û kontrayêke semedê paştdayîşî ameyî ê zî ameyî pirodayene, 4 leşkerî ameyî kiştene. Temamî de 8 îşxalkarî yê ke 2’ê înan payeberz ê ameyî kiştene û xeylî zî birîndar bîyî.Pêkewtişan de embazê ma Nûman Stêrk bi şerkerdişêkê qehremankî şehîd bi. Nasnameyê embaz Nûmanî wina yo:

Nameyê Qodî:  Nûman Stêrk

Name Peyname: Halef Yildiz

Cayê Biyayîşî: Riha

Maye-Pî: Mukerreme - Mehmet

Tarîx û Cayê Şehadetî: 18’ê Hezîrane 2019 / Gever

Ma sere de keyeyê Yildizî heme şarê Kurdistanî yo weletperwerî rê serweşîye wazenê û soz danê ke ma do mucadeleyê şehîdanê xo bi serkewtişî tacîdar bikerê.

Qileban û Şax de operasyon

17’ê Hezîrane de artêşa Tirkî Wareyê Kanîreşî yo ke herêma Derîyê Qaçê ya pabesteya qezaya Qilebanî yê Şirnexî de operasyon da destpêkerdene.  Îşxalkaran ê ke operasyon ra çîyêk dest nêvist zextê şarê sivîlî kerd. Şaro ke ware de yo înan rê îşkence kerd. 20’ê Hezîrane de zî qezaya Şaxî ya Wanî de herêmê Aşkita û Sûlavê û  herêma dewa Paçanî yê qezaya Payîzava de operasyon ame destpêkerdene. Operasyono  ke bi qismî yeno domnayene derheqê ci de do zanayîşo hîra rayapêroyî dir bêro parekerdene.’’