Merkezê Îrtîbat û Çapemenîye yê HPGyî derheqê çar gerîlayanê ke şehîd bîyî de eşkerayîye daye û nê pare kerdî:

''2018 de mabênê têgêrayîşê ma û artêşa tirke de pêkewtişê xurtî qewimîyayî. Dewleta tirke heme îmkanê xo semedê çînkerdişê destkewteyanê kurdan şuxulnayî. Vera hêrişanê qirkerdişî yê dewleta tirke her warê Kurdîstanî de têkoşîno xurt ame kerdene.Têkoşînê anorî ke şerê Efrînî de hetê Barînan û Aveteyan ra dest pê kerd Botan û Zagrosan de pê Doga, Gelawêje, R,kene û Vîyanan resa serpilikî û dişmenî rê da vînîkerdene. Nê têkoşînan rê hemrayanê ma yê cinîyan ê qehremanan serkêşîye kerde. Nê şerê zehmetî de hemrayê Doga, Gelawêj,Rûkene û Vîyan tewrê kerwanê şehîdan bîyî.

Nasnameyê embazanê yê şehîdan wina yê:

 Hemraya ma Doga Amed de ameya dinya, rixmê şertena zehmetan sempatîya ci Têgêrayîşê Azadîye yê Kurdîstanî rê bibî. Gama ke Mûş de unîversîte de wendêne tewrê xebatanê ciwanan bîya û felsefeya Rayber Apoyî û  têkoşînê ma dahîna hole nas kerd û 2013 de verê xo dayo sefanê gerîlayan. Hemraya ma Doga seba ke bibo gerîlaya serkewtîye xo her hetî ra aver berd, serkewtişê xo çalakîyanê vera dişmenî de ramojna û demo kilm de sey taqîpkarê xeta fermandara ma ya fedaîye Zîlane hetê leşkerî ra xo aver berd û bîye fermandara YJA Starî. Xeylêk çalakîyan de sey fermandare ca girewt û derbeyê pîlî dayî dişmenî ro. Waranê cîya cîyayan de xebatî kerdî. Hemraya ma Doga do tim verê ma roşn bikero.

Hemraya ma Gelawêje Wan de ameya dinya û keyeyêko dormeyê ci xeylêk kesî tewrê sefanê azadîye bîyî de bîya pîle. Hemraya ma ya ke vera hêrişanê qikerdişî yê dişmenî bêvenge nêmende qerarêko şorişgêr girewto û  2014 de tewrê sefanê gerîlayan bîya.  Badê perwerdeyê şerwananê neweyan bi coşê pîlî tewrê têkoşînî bîye û gerîlatîye û hunerê şerî ser vinderte ke biba gerîlayêka serkewtîye. Hemraya ma Gelawêje her warê pratîkî de hêz dayêne embazanê xo. Hemraya ma Gelawêje îdeolojîya azadîya cinî ser o wende û perwerde kerd û çîyêkê musayî embazanê xo reyde parê kerdî. Heta şehadetê xo çirey xeta Apoyîye û xeta cinîya azade ra peyser game nêeşte.

Hemraya ma Rûkene Wan de ameya dinya bi kulturê welatperwerîye bîya pîle. Vera hêrişanê qirkerdişî yê dewleta tirke yê vera kurdan seba şar û erdê xo bipaqo 2015 de Botan de verê xo dayo sefanê gerîlayan. Sey cinîya ciwane ya kurde bîye gerîlayêka serkewtîye û şerwanê fedayîye ya xeta PKK û PAJKî. Hemraya ma Rûkene cuye û şerî de tim sefanê verênan de cayê xo girewto û sey berpirsîyare têgêraye. Rixmo ke hêrişê îşxalkeran de birîndare bîye heta hela peyêne şer kerd û seba ke destê dişmenî mekewo guleyê xo yo peyên nayo xo ya tewrê şehîdanê m ayê bêmergan bîya

Hemraya ma Vîyane Şirnex de ameya dinya û dormeyê welatperwer de bîya pîle. Keyeyê cira verî zî kesê bînî tewrê Têgêrayîşê Azadîye yê Kurdîstanî bibî.  Hemraya ma Vîyane ke tim xeyalê gerîlatîye kerdêne 2015 de Cûdî de tewrê sefanê gerîlayan bîye û heta roja ke şehîde bîya herra bimbareke ya Botanî sey gerîlayêka serkewtîye têkoşîn kerd. Enerjîya xo ya ciwanîye semedê xebatanê şorişî xerc kerde û bîya sembola xoverdayoxîya cinîya kurde ya koyanê Kurdîstanî.

Hemrayê ma Doga, Geleweje, Rûkene û Vîyane bi vindertişê xo yê cuya û şehadetê xo bîyî serkêşê pêrodayîşê azadîye.Ma sere de keyeyanê erjayeyan ê hemrayanê xo yê qehremaman heme şarê welatperwerî yê Kurdîstanî rê serweşîye wazenê.''