HPG: Ma 3 hevalanê xo bi hurmet yad kenê
HPG’yî derheqê 3 gerîlayê ke serra 2017’î de, Wareyê Pawitişî yê Medya de şehîd kewtî de eşkerayîyêk daye û nasnameyê înan eşkera kerdî.
Merkezê Çapemenî û Îrtîbatî yê HPG’yî bi ekerayîyêk da zanayene ke tarîxanê cîya-cîyayan ê 2017’î de 3 gerîlayî Wareyê Pawitişî yê Medya de şehîd bîyî û nasnameyê înan eşkera kerdî.
Eşkerayîye de ca dîya nînan:
''Kurdistan tarîx ra nata yeno îşxalkerdene. Şarê nê welatê qedîmî Kurdî zî tim vera îşxalkeran mücadele kenê û xo ver danê. Îşxalkeran tim çim verdayo rindekîya nê welatî û waşto ke qet yew erjê Kurdan nêmano. Îşxalkeran kerdo ke Kurdî xo ra şerm bikerê û eslê xo înkar bikerê. Naye ra zî tim bi polîtîkayanê zulm, wahşet, asîmîlasyon û tedayî têgêrayê û vato qey Kurdî bi nê qeyde bêrê çinkerdene. Têgêrê Azadîye yê Kurdistanî, bi serkêşîya Rayber Apoyî no tarîx vurnayo û heqê şarê Kurdî pawitî û no şîyayîş dayo vindertene. Mucadeleyê ma bi keda pîle ameyo munitene û ewro vera serkewtişî şono.
Bêguman nê erjê pîlî saya şehîdanê ma û saya şarê ma de vejîyayê meydan û şarê Kurdistanî bi cinî û doman, bi kal-pîr û ciwanan xo ver dayo û ewro resto ferasetê neteweyîye û nasnameyê xo. Tabî seba nînan bedelêko bêemsal dayo. Şarê ma vera kolonyalîstan, ciwanê xo bi coş û kelecanîye erşawitê warê gerîlayan û reyna şehîdê xo zî bi eynî erjî qebul kerdî. Ma 3 hevalanê xo Devrîm (Devrîm Kara), Avaşîne (Melek Demîroglu) û Tolhildane ( Medya Unvere) yê ke tarîxanê cîya-cîyayan de şehit kewtê, bi hurmet yad kenê.
Nasnameyê 3 gerîlayanê şehîdan wina yê:
|
|
Nameyê Qodî: Avaşîn Umute Name Peyname: Melek Demîroglu Cayê Biyayîşî: Colemêrg Maye-Pî: Halîme-Eshet Tarîx û Cayê Şehadetî:9’ê Êlûle 2017 / Wareyê Pawitişî yê Medya |
|
|
Nameyê Qodî: Devrîm Mazlûm Name Peyname: Devrîm Kara Cayê Biyayîşî: Şirnex Maye-Pî: Azîme-Osman Tarîx û Cayê Şehadetî:20’ê Sibate 2017 / Wareyê Pawitişî yê Medya |
|
|
Nameyê Qodî: Tolhildan Agirî Name Peyname: Medya Unvere Cayê Biyayîşî: Mexmur Maye-Pî: Leyla-Îhsan Tarîx û Cayê Şehadetî:18’ê Temmuze 2017 / Wareyê Pawitişî yê Medya |
Ewladanê şarê ma ra tewr qehremanî yê sey Devrîm, Avaşîne û Tolhildane emrê xo yê ciwanî de beşdarê mucadeleyî bîyê û nê embazan bi ferasetê azadîye, tim cepheyê verî yê şerî de ca girewto. Nê embazî bi keda xo, bi vinderiş û bi ferasetê xo, wezîfeyê xo her tim baş ardo ca û bi ruhê fedaîyîye girêdayîye partîya xo bî. Devrîm, Avaşîne û Tolhildane her tim girêdayîyê rêça Rayberîye bî û şert û mercanê zehmetinan de zî xo pey de nêdayo û hem bi mucadeleyê xo, hem zî bi şehadetê xo wezîfeyê giranî dewrê ma kerdê.
Sere de keyeyê înan, sereyê şarê Botanî û pêroyê şarê Kurdistanî weş bo. Ma soz danê embazanê xo yê şehîdan ke ma do seba Rayberîye û Kurdistanê azadî mucadeleyê xo bikê pêt.''
