Merkezê Îrtîbatî û Çapemenîye yê HPGyî hîrê gerîlayê ke Herêmanê Pawitişî yê Medya de şehîd bîyî bi eşkerayîyêke yad kerdî. Eşkerayîye wina ya:

''Dewleta tirke ya kolonyalîste seba ke kurdan qir bikera 7 serrî yo bêmabên û bêemsal vera şarê ma û hêzanê ma yê gerîlayan hêriş kena. Vera nê hêrişan sere de Rayber Apo şarê ma û têgêrayîşê ma xoverdayîşêkê destanwarîyî kenê û hêrişanê dişmenî pûç kenê. Nê xoverdayîş û têkoşînî bi hezaran çêrî vetî werte. Nê çêran ra fermandarê ma yê ercîyayeyî Amara, Dunya û Avaşîne 2016 de şerê vera dişmenî de şehîd bîyî. Ma nê milîtananê ercîyayeyan serrgêra şehadetê înan de bi rêzdarî yad kenê. Ma reyna soz danê ke do xeyalanê înan pê serkewtişê têkoşînê xo tacîdar bikerê.

Nasnameyê embazanê ma yê şehîdan wina yê:

Embaze Amara Êlih de dadîya xo ra bîya. Embaze Amara ke serranê 90an de şahîdîya zulmê dewlete kerd verî xebatanê şorişî de ca girewt. Şehadetê embaza ci Nesrîne ra dima û seba şermezarkerdişê Komployê 15ê Sibate a 2001 de tewra gerîlayan bîye. Embaze Amara xeylêk cayanê Başûrî de têkoşîn kerd. Embaze Amara ke wextêkê kilmî de bîye fermandarêka YJA-Starî waştişê xo ser o derbazê herêma Botanî ya Vakurî bîye. Embaze Amara tewr peyên 2016 de Avaşîn de vera hêrişanê dişmenî şer kerd. Embaze Amaraya ke 2016 de çalakîya Xapûşkê de şehîd bîye sey fermandarêka raybere zerrîya embazanê xo de ca girewt.

Embaze Dunya Sêrt de dadîya xo ra bîya. Embaze Dunya 2014 de tewra gerîlayan bîye. Embaze Dunya cade pê felsefeya Rayber Apoyî û perwerdeyan bîye gerîlayêka marîfetîne. Embaze Dunya xeylêk waran de têkoşîn kerd û rayberîya çalakîyanê serkewteyan kerde. Aye îdeolojîya azadîya cinîyan de xo aver berd û vera hişmendîya serdestîya camêrdan xo ver da. Embaze Dunya têkoşînêko pîl kerd û nê oxirî de xo feda kerd. Embaze Dunya do biba meşale û têkoşînê ma yê azadîye roşnî bikerê. A do tim biba çêra têkoşînê ma yê azadîye.

Embaze Avaşîne Sîlopî de dadîya xo ra bîye. Embaze Avaşîne bire daye ke rayîrê têkoşînî koyan ra derbaz beno û nê esasî ser o serra 2015î de tewra gerîlayan bîye. Embaze Avaşîne wextêkê kilmî de bîye milîtanêka marîfetîne. Embaze Avaşîne îdeolojîya azadîya cinîyan a Rayber Apoyî xo rê kerde esas. Aye tim waranê tewr zehmetan de şer kerd. Embaze Avaşîne do tim biba çimeyê îlhamî yê têkoşînê ma yê azadîye û mîyanê têkoşînê azadîye de bêra vîrardene.

Tewir û têkoşînê qerardarî yê embazanê ma Amara, Dunya û Avaşîne pêro cinîyan rê bîyî çimeyê îlhamî. Ma sere de keyeyanê ercîyayeyan ê embazanê xo rê, pêro şarê Kurdîstanî rê serweşîye wazenê. Ma heta ke seserra 21. bikerê seserra azadîya cinîyan do têkoşînê xo rê dewam bikerê.''