Merkezê Îrtîbatî û Çapemenîye yê HPGyî gerîlaya YJA-starî Cîhane Aykal (Afrîne Têkoşîn)a ke şehîd bîye û welatperwerî Abdulsamet Akgul û Ramazan Toksoy yad kerdî.

Eşkerayîye wina ya:

''Ma embaza xo Afrîne Têkoşîna ke 28ê teşrîna verêne ya 2018î de warê Xakûrkê de şehîd bîye serrgêra şehadetê ci de yad kenê. Nasnameyê embaza ma ya şehîde wina yo:

Nameyê Qodî: Afrîne Têkoşîn Name û Peyname: Cîhane Aykal Cayê Bîyayîşî: Mêrdîn Maye-Pî: Hedîye – Huseyîn Tarîx û Cayê Şehadetî: 28ê Teşrîna Verêne ya 2018î / Xakûrkê

Embaze Afrîne Mêrdîn de dadîya xo ra bîya. Keyeyê ci tedaya dewlete ra neçare mend ke koçê metropolanê Tirkîya bikero. Embaze Afrîne sey cinîya ciwane vera polîtîkaya asîmîlasyonî û hêrişanê dewlete 2014 de tewra gerîlayan bîye. Embaze Afrîne xeta PKK-PAJKî xo rê kerde esas û na çarçewe de xo aver berd. Aye erjê kurdîstanî yê keyeyê xo ruhê Apogîrî reyde kerdî yew û bîye milîtanêka ercîyaye ya têgêrayîşê ma. Embaze Afrîne tim tewrbîyayîşêko xurt mojna. Embaze Afrîne sey temsîlkarêka xurte ya nasnameyê cinîya kurde ya azade tim têkoşînê ma de û zerrîya embazanê xo de do bêra vîrardene.

Şehadetê Akgul û Toksoyî qetî bi

16ê hezîrana 2019î de artêşa tirke ya îşxalkere Dereyê Cehenemî yê qezaya Hezexî yê Şirnexî de operasyonêk kerdbî û nê operasyonê de 5 embazê ke ma nasnameyê înan eşkera kerdbî şehîd bibîy. Qetî bi ke nê embazanê ma reyde ewladê ercîyayeyî û welatperwerê pîlî yê Kerboranî embaz Abdulsamet Akgul û Ramazan Toksoy zî şehîd bîyê.

Abdulsamet Akgul û Ramazan Toksoyî têna bedelê kurdbîyayîşê rûmetênî dayî. Wirdî zî maruzê tedaya dewlete mendbî la sereyê xo çewt nêkerdbî. Dewleta tirke dima bi neheqîye bire daye ke nê wird embazî bitepişîyê. La înan semedo ke nêkewê zîndanê dewlete xo resnabî hêzanê ma yê gerîlayan. Embazanê ma wexto ke ê pawitêne 16ê hezîrana 2019î de warê Dereyê Cehenemî yê Gabarî de operasyonê dewleta tirke dest pêkerd û pêkewtişê giranî qewimîyayî. Embazanê ma semedo ke nê wird welatperweran bipawê zaf xîret kerd la bombardumanê artêşa faşîste de hem 5 embazê ma hem zî welatperwerê sivîlî û bêçekî Abdulsamet Akgul û Ramazan Toksoy şehîd bîyî.

Dewleta tirke semedo ke nasnameyê xo de israr keno şarê kurdî rê heqê cuye nêdana, erzena zîndanî eke nêeşka wina bikera qetil kena û bi nê hawayî sûcî kena. Rixmo ke înan şehadetê Abdulsamet Akgul û Ramazan Toksoyî sey şehadetê gerîlayan bi rayîrê medyaya şerê taybetî mojnayî raştîya serebûtî erey bo zî hetê hêzanê ma ra ameye qetîkerdene.

Ma keyeyanê wird welatperweranê ma rê, şarê welatperwerî yê Kerboranî rê û pêro şarê welatperwerî yê Kurdîstanî rê serweşîye wazenê. Ma soz danê ke ma pê serfîrazîya têkoşînî bikerê ke şarê kurdî pê nasnameyê xo û erjanê xo  bi hawayêkê azadî Kurdîstan de biciwîyo.''