HPGyî 5 gerîlayê şehîdî yad kerdî û vat: ''Ma embazanê xo Rûkene, Canfeda, Argêş, Devrîm û Emrahî bi rêzdarî yad kenê ke înan şarê ma hîna zaf nêzdîyê azadîye kerd û Botan de şehîd bîyî.''
Merkezê Îrtîbatî û Çapemenîye yê HPGyî 5 gerîlayê ke 2017 de Botan de şehîd bîyî bi eşkerayîyêke yad kerdî. Eşkerayîye wina ya:
''2017 de vera kolonyalîzmî tarîxê ma yê têkoşînê azadîye de noqtayanê tewr girîngan ra yew qewimîyabi. Emser zî warê Botanî de vera dişmenî şerêko bêeman ame kerdene. 2017 de ê kesê ke îdîa kerdêne ke do gerîlayan biqedînê bi xo ameyî noqtaya qedîyayîşî. Ma embazanê xo Rûkene, Canfeda, Argêş, Devrîm û Emrahî bi rêzdarî yad kenê ke înan şarê ma hîna zaf nêzdîyê azadîye kerd û Botan de şehîd bîyî.
Nasnameyê embazanê ma yê şehîdan wina yê:
|
|
Nameyê Qodî: Rûkene Mamxurî Name û Peyname: Kadrîye Ozlu Cayê Bîyayîşî: Colemêrg Maye-Pî: Perîhane– Dolmaz Tarîx û Cayê Şehadetî: 2017/Botan |
|
|
Nameyê Qodî: Canfeda Başkale Name û Peyname: Samî Acar Cayê Bîyayîşî: Wan Maye-Pî: Kadrîye – Alî Tarîx û Cayê Şehadetî: 2017/Botan |
|
|
Nameyê Qodî: Argeş Destan Name û Peyname: Azad Akkoç Cayê Bîyayîşî: Amed Maye-Pî: Semra – Edîp Tarîx û Cayê Şehadetî: 2017/Botan |
|
|
Nameyê Qodî: Devrîm Botan Name û Peyname: Seyîtxan Ayan Cayê Bîyayîşî: Şirnex Maye-Pî: Sultane– Selîm Tarîx û Cayê Şehadetî: 2017/Botan |
|
|
Nameyê Qodî: Emrah Name û Peyname: Emrullah Keskîn Cayê Bîyayîşî: Maye-Pî: Tarîx û Cayê Şehadetî: 2017/Botan |
Embaze Rûken Colemêrg de dadîya xo ra bîya. Embaze Rûkene rêçê kekê xo Mazlûmî de şîye û 2009 de Botan de tewra gerîlayan bîye. Embaze Rûkene xeylêk waranê Herêmanê Pawitişî yê Medya de têkoşîn kerd, xeta PAJKî de xo xorin kerd û sey fermandarêka YJA-starî wezîfeyê girîngî ardî ca. Embaze Rûkene vera DAÎŞî Başûr de, cepheyê Kerkûkî de şer kerd. Dima a waştişê xo ser derbazê Vakurê Kurdîstanî bi û Botan de wezîfe kerd. Aye tîya de sey fermandarêka YJA-Starî mîsyonêko pîl girewt xo ser û wezîfeyê xo ser de 15ê hezîrana 2017î de şehîd bîye.
Embaz Argeş Amed de dadîya xo ra bîyo. Embaz Argeş dima ke partîya ma şinasnaye 2015 de tewrê gerîlayan bi. Embaz Argeş şehadetê waya xo Destane Agît (Dîlane Akkoç) ra dima asta têkoşînî berz kerde û serkewtiş xo rê kerd hedefo qetî. Embaz Argeş pê kesayet û tewirê xo bi mazharê heskerdiş û hûrmetê embazanê xo. Embaz Argeşî seba ke xeyalanê şarê xo bîyaro ca pêro enerjîya xo daye têkoşînî. Xeta ey a serkewtiş û têkoşînî do vernîya ma roşnî bikera.
Embaz Canfeda Wan de dadîya xo ra nîyo. Embaz Canfedayî verî mîyanê xebatanê ciwanan de ca girewt dima 2014 de Amed de tewrê gerîlayan bi. Embaz Canfeda cade cuya gerîlatîya musa û bi mazharê hûrmetê embazanê xo. Embaz Canfedayî cuye de û şer de rolê rayberîye girewt xo mil û warê Botanî de xeylêk çalakîyanê serkewteyan de tewr vernî de ca girewt. Embaz Canfedayo ke xo rê tim xeta şehîdan kerde esas do bibo çimeyê hêzî yê gerîlayan.
Embaz Devrîm Şirnex de dadîya xo ra bîyo. Embaz Devrîmo ke xebatanê ciwanan de ca girewtêne 2015 de Botanî ra verê xo da koyanê azadan. Embaz Devrîm perwerdeyan ra dima Gabar de dest pê wezîfeyî kerd. Embaz Devrîmî perwerdeyanê xorinan ra dima xo hîna aver berd û çalakîyanê serkewteyan de derbê giranî dayî dişmenî ro. Embaz Devrîm heta şehadetê xo tewirê xo ra qetî tawîz nêda û bi qerardarîya serkewtişî têgêra.
Embaz Emrah 2017 de tewrê gerîlayan bi. Heman serre wexto ke wezîfeyê xo ser de bi dişmenî vera ey dafik na ro. Embaz Emrahî seba ke nêkewo destê dişmenî xo ser de bomba teqnaye û şehîd bi. Embaz Emraho ke perwerê xeta Rayber Apoyî bi tim bi na bawerîye têgêra.
Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê. Ma soz danê ke şehîdanê xo bikerê sebebê serfîrazîye û vîrameyîşê înan bidê ciwîyayene.''
