Merkezê Îrtîbatî û Çapemenîye yê HPGyî 5 gerîlayê ke Xakûrkê de şehîd bîyî bi eşkerayîyêke yad kerdî. Eşkerayîye wina ya:

''Dewleta tirke ya qirkere pê paştdayîşê NATOyî 2016 de pê pêro hêzê xo hêrişê gerîlayanê azadîye kerd û waşt ke qirkerdişê kurdan bi netîce bikera. Vera pêro hêrişanê dişmenî gerîlayanê Kurdîstanî pê îradeyê Apogîrî şer kerd û nê herişî pûç kerdî, xeyalê dişmenî tarûmar kerdî. Nê têkoşînî de ke pê xoverdayîşî virazîyayo embazanê ma Ronahî, Rizgar, Agît, Xeyrî û Mazlûm pê şahadetê xo tarîx de cayê xo girewt. Ma nê embazanê xo bi rêzdarî yad kenê û soz danê ke erkê şorişî yo ke înan dewrê ma kerdo, bi serkewtişî bîyarê ca.

Nasnameyê embazanê ma yê şehîdan wina yê:

Embaze Ronahî Mêrdîn de dadîya xo ra bîya. Dima ke xala ci Şorişê Rojawanî de şehîd bîye aye zî Bagok de verê xo da koyanê Kurdîstanî. Embaze Ronahî dima derbazê Herêmanê Pawitişî yê Medya bîye. Embaze Ronahî Heftanînî ra heta Xakûrkê xeylêk waran de gerîlatîye kerde û xo aver berd. Aye sey cinîyêka kurde tim xîret kerd ke xo bîyara ca û akademî de perwerdeyê pisporîye girewt. Aye sey suîkastwanêke hem xo hem zî embazê xo perwerde kerdî û tim paştî daye embazanê xo.

Embaz Rizgar Colemêrg de dadîya xo ra bîyo. Embaz Rizgarî Şorişê Rojawanî ra dima verê xo da koyanê azadan ê Kurdîstanî û 2015 de tewrê gerîlayan bi. Embaz Rizgar cade cuya gerîlatîye musa û pêro waran de kerd ke xeta PKKyî ser o şer bikero. Embaz Rizgaro ke pê kesayetê xo bi çimeyê moralî yê embazanê xo qetî tewirê xo ra tawîz nêda. Embaz Rizgarî cade xo perwerde kerd û pê erkê fermandarîye têgêra. Embaz Rizgaro ke pê kedêka pîle mîrasê PKKyî kerd xurtêr tim do mîyanê têkoşînê ma de biciwîyo.

Embaz Agît şaristanê Ûrmîye yê Rojhelatê Kurdîstanî de dadîya xo ra bîyo. Embaz Agît hema ciwanîya xo de pê serkewtişê têkoşînê PKKyî hesîya û tewrê gerîlayan bi. Embaz Agîtî pêro waranê gerîlatîye de kedêka pîle daye û tim rayberîye xo rê esas girewte. Embaz Agîtî pêro wezîfeyê xo bi serkewtişî ardî ca û bi mazharê heskerdiş û hûrmetê embazanê xo.  Embaz Agîtî Xakûrkê de xeylêk çalakîyanê serkewteyan de ca girewt û derbê giranî dayî dişmenî ro. Embaz Agît tim do mîyanê têkoşînê ma de biciwîyo.

Embaz Xeyrî 1993 de Wan de dadîya xo ra bîyo. Embaz Xeyrîyo ke domanîya xo ra nata PKK û Rayberîye şinasnayêne dima ke dî xoverdayîş pê tekoşînê PKKyî mumkîn o tewrê gerîlayan bi. Embaz Xeyrî bi taybetî binê tesîrê embazîya gerîlayan, cuya koyan de mend û pê perwerde û tecrubeyan bi milîtanêko serkewte. Ey pê tewirê xo heskerdişê xo yê seba şar û welatê xo mojna. Embaz Xeyrî xo ra kesayetêko fedayî awan kerd û 28ê tebaxa 2016î de Xakûrkê de çalakîye de birîndar bi la seba ke nêkewo destê dişmenî xo ser de bomba teqnaye.

Embaz Mazlûm Wan de dadîya xo rabîyo. Embaz Mazlûm pê hersê vera dişmenî û têkoşînê Şingal û Kobanê ra dima tewrê gerîlayan bi. Embaz Mazlûm pê eşqî pabesteyê cuya PKKyî bi. Dima ke ey nasname, tarîx û kulturê xo newe ra musa kesayetê xo de vurîyayîşê pîlî kerdî û kerd ke bibo milîtanêko serkewte. Embaz Mazlûmî eleqeyêko pîl da cuya gerîlatîye û xîret kerd ke hunerê şerî de xo aver berp. Nê esasî ser o ey tim xo perwerde kerd û bi gerîlayêko marîfetîn.

Sere de keyeyanê ercîyayeyan ê embazanê xo rê, ma pêro şarê welatperwerî yê Kurdîstanî rê serweşîye wazenê.''