HPG: Ma şehîdanê Zapî bi rêzdarî yad kenê
HPGyî gerîlayê ke 2016 de Zap de şehîd bîyê yad kerdî û vat: ''Ma soz danê ke tim perwerê armanc û vîrameyîşê şehîdanê xo yê azîzan bibê, armancê înan qetî bîyarê ca û qesasê înan bigêrê.''
Merkezê Îrtîbatî û Çapemenîye yê HPGyî bi eşkerayîyêke gerîlayê ke 2016 de Zap de şehîd bîyê yad kerdî. Eşkerayîye wina ya:
''Hêrişanê dewleta tirke ya îşxalkere yê vera Zapî de 2016 de embazê ma Hejar, Întîkam, Seyîtxan û Silav şehîd bîyî. Ma serrgêra şehadetî de înan bi rêzdarî yad kenê.
Nasnameyê embazanê ma yê şehîdan wina yê:
|
|
Nameyê Qodî: Hêjar Hebûn Name û Peyname: Gazî Polat Cayê Bîyayîşî: Mûş Maye-Pî: Sevîme – Nîzamettîn Tarîx û Cayê Şehadetî: Çeleyê 2016î / Zap |
|
|
Nameyê Qodî: Întîkam Devran Gabar Name û Peyname: Mehmet Halit Îdîn Cayê Bîyayîşî: Şirnex Maye-Pî: Zeynepe – Abdulaziz Tarîx û Cayê Şehadetî: Çeleyê 2016î / Zap |
|
|
Nameyê Qodî: Seyitxan Goyî Name û Peyname: Abbas Bayram Cayê Bîyayîşî: Şirnex Maye-Pî: Meryeme – Abdulkerîm Tarîx û Cayê Şehadetî: Çeleyê 2016î / Zap |
|
|
Nameyê Qodî: Silav Çarçella Name û Peyname: Sîdar Gurdal Cayê Bîyayîşî: Colemêrg Maye-Pî: Zubeyde – Selman Tarîx û Cayê Şehadetî: Çeleyê 2016î / Zap |
Embaz Hejar Mûş de dadîya xo ra bîyo. Embaz Hejarî 2012 de verê xo da koyanê azadan û tewrê gerîlayan bi. Embaz Hêjarî koyanê Dêrsimî de dest pê gerîlatîye kerd, dersê bingeyî girewtî û pratîze kerdî. 2013 de o derbazê Herêmanê Pawitişî yê Medya bi û Heftanîn, Metîna û Zagrosan de xeylêk wezîfeyî bi serkewtişî ardî ca. Embaz Hêjar wexto ke sey fermandarî wezîfeyê xo ser de pa 3 embazanê xo şehîd bi.
Embaz Întîkam Şirnex de dadîya xo ra bîyo. Embaz Întîkamî verî xebatanê ciwanan de ca girewt û dima ke 2014 de dezayê ci Devran Besta Rojawan de şehîd bi o zî tewrê gerîlayan bi. Embaz Întîkamî seba ke qesasî bigêro sond wend û wextêkê kilmî de mîyanê gerîlatîye de xo aver berd. Bi taybetî cû û embazîya PKKyî tesîrê ci kerd. Dima ke derbazê Zapî bi embaz Întîkamî xeylêk tecrubeyî vistî destî. o do mîyanê têkoşînê ma de biciwîyo.
Embaz Seyîtxan Şirnex de dadîya xo ra bîyo. Ey wextê zanîngehî de metropolan de rîyo qirker ê dewlete nêzdî ra şinasna û serra 2014î de verê xo da koyanê gerîlayan. Ey verî warê Kêla Memê yê Botanî de dest pê gerîlatîye kerd û dima zî derbazê herêma Zapî bi. Ey Zap de xeylêk tecrubeyî vistî destî û bi gerîlayêko marîfetîn. Embaz Seyîtxan pê jîhatîya xo xeylêk wezîfeyê serkewteyî ardî ca.
Embaz Silav Gever de dadîya xo ra bîyo. Embaz Gevero ke domanîya xo ra nata bi sempatî nêzdîyê gerîlayan bîyêne 2016 de tewrê gerîlayan bi. Embaz Silav Zap de tewrê gerîlayan bi û perwerdeyê xo yê verênî na herême de girewtî. Embaz Silav pê zekaya xo ya berze, coş û waştişê xo cade cuya gerîlatîye musa. Rixmo ke gerîlatîye de newe bi ey xeylêk wezîfeyî ardî ca.
Sere de keyeyanê ercîyayeyan ê embazanê ma rê ma pêro şarê welatperwerî yê Kurdîstanî rê serweşîye wazenê. Ma soz danê ke tim perwerê armanc û vîrameyîşê şehîdanê xo yê azîzan bibê, armancê înan qetî bîyarê ca û qesasê înan bigêrê.''
