HPG: Ma şehîdanê Zapî bi rêzdarî yad kenê
HPGyî 5 gerîlayê ke 6ê êlula 2016î de Zap de şehîd bîyî yad kerdî û vat: ''Ma sere de keyeyanê ercîyayeyanê embazanê xo rê, pêro şarê welatperwerî yê Kurdîstanî rê serweşîye wazenê.''
Merkezê Îrtîbatî û Çapemenîye yê HPGyî 5 gerîlayê ke 6ê êlula 2016î de Zap de şehîd bîyî bi eşkerayîyêke yad kerdî. Eşkerayîye wina ya:
''6ê êlula 2016î de hêrişanê artêşa tirke ya îşxalkere yê vera herêma Zapî de embazê ma Pîrdogan, Ferman, Çekdar, Brûsk û Koçer şehîd bîyî. Nê embazanê ma vera hêrişanê namerdan ê dewleta tirke ya qirkere şerê pawitişê şarê ma bi çêrî şer kerd û şehîd bîyî. Ma do têkoşînê nê embazanê xo do bi tempo û terzê layîqê înan biresnê serfîrazîye.
Nasnameyê embazanê ma yê şehîdan wina yê:
|
|
Nameyê Qodî: Pîrdogan Elbak Name û Peyname: Yunus Karaca Cayê Bîyayîşî: Wan Maye-Pî: Nebahate – Îdrîs Tarîx û Cayê Şehadetî: 6ê Êlula 2016î / Zap |
|
|
Nameyê Qodî: Ferman Mervan Name û Peyname: Mervan Artiran Cayê Bîyayîşî: Adana Maye-Pî: Esma – Fesîh Tarîx û Cayê Şehadetî: 6ê Êlula 2016î / Zap |
|
|
Nameyê Qodî: Çekdar Roboskî Name û Peyname: Firat Bulut Cayê Bîyayîşî: Wan Maye-Pî: Bahare – Kînyas Tarîx û Cayê Şehadetî: 6ê Êlula 2016î / Zap |
|
|
Nameyê Qodî: Brûsk Çekdar Name û Peyname: Azad Sayiner Cayê Bîyayîşî: Wan Maye-Pî: Halîme – Omer Tarîx û Cayê Şehadetî: 6ê Êlula 2016î / Zap |
|
|
Nameyê Qodî: Koçer Çiya Name û Peyname: Başar Îlçî Cayê Bîyayîşî: Amed Maye-Pî: Husnîye – Saît Tarîx û Cayê Şehadetî: 6ê Êlula 2016î / Zap |
Embaz Pîrdogan Wan de dadîya xo ra bîyo. Embaz Pîrdogan netîceya cigêrayîşanê xo de bire daye ke verê xo bido koyan. Embaz Pîrdogan koyan de pê felsefeya Rayber Apoyî xo hîna aver berd û pê perwerdeyan xo xorin kerd. Embaz Pîrdoganî pêro mesuldarîyê xo bi erkê şorişgerî ardî ca, pê pratîkê xo perwerîya xo ya bi Rayber Apoyî, şarê kurdî û welatê xo mojna.
Embaz Ferman Adana de dadîya xo ra bîyo. Embaz Fermanî verî mîyanê xebatanê ciwanan de ca girewt dima verê xo da koyanê azadan. Embaz Ferman cade cuya gerîlatîye musa. Ey qetî krîteranê gerîlatîye ra tawîz nêda. O pê qerardarî û tewirê xo yê tûjî şer û cuye de bi mazharê heskerdiş û hûrmetê embazanê xo. Embaz Fermanî tim cuye embazanê xo de pare kerde.
Embaz Çekdar Wan de dadîya xo ra bîyo la eslê xo de Şirnexî ra yo. Embaz Çekdarî vera asîmîlasyon û hêrişanê dewlete 2015 de verê xo da koyanê azadan. Embaz Çekdar cade cuya gerîlatîye û koyan rê adapte bi û xozaya Kurdîstanî de bi yew. Embaz Çekdarî heta şehadetê xo pê perwerdeyan tim xo aver berd. Embaz Çekdarî pê fedakarîya xo kerd ke bibo milîtanêko serkewte. O do tim ma rê bibo îlham.
Embaz Brûsk Wan de dadîya xo ra bîyo. Embaz Brûskî wexto ke xebatanê şorişgêrî de ca girewtêne ame destbendkerdene. Dima ke vera dîya ey 2014 de verê xo da koyanê azadan. Embaz Brûskî vera xo têkoşînêko bêmabên kerd û tim xo aver berd. Embaz Brûskî tim xîret kerd ke pratîkê xo bimojno. Embaz Brûsk bi mazharê heskerdiş û hûrmetê embazanê xo. Ey heta şehadetê xo tewirê xo ra tawîz nêda.
Embaz Koçer Amed de dadîya xo ra bîyo. Embaz Koçerî dima ke PKK şinasna verê xo da koyanê azadan. Ey koyan de têkoşînêko aktîf kerd, binê tesîrê cuya gerîlayan de mend. Embaz Koçerî gerîlatîye de paştî daye pêro embazanê xo û bi çimeyê moralî yê embazanê xo. Embaz Koçerî pêro wezîfeyê xo bi ruhê Apogîrî ardî ca û pê tewirê xo perwerîya xo ya bi Rayber Apo, şarê kurdî û welatê xo mojnaye.
Ma sere de keyeyanê ercîyayeyanê embazanê xo rê, pêro şarê welatperwerî yê Kurdîstanî rê serweşîye wazenê.''
