Merkezê Îrtîbatî û Çapemenîye yê HPGyî pê eşkerayîyêke nasnameyê şehîdanê Garzan û Amedî eşkera kerdî. Eşkerayîye wina ya:

''Artêşa tirke ya îşxalkere 4ê çeleyê 2020î de warê Şêx Cumayî yê Bedlîsî de operasyonê hîrayî dayî destpêkerdene. Prosesê nê operasyonî de 11ê çeleyê 2021î de komêka embazanê ma û îşxalkeran temas kerd û temas vurîya pêkewtişî. Pêkewtiş û bombardumanan temamîya roje ra heta şewe dewam kerd. Nê pêkewtişan de xeylêk îşxalkerî ameyî cezakerdene embazê ma Poyraz, Azad û Numan zî şehîd bîyî. Operasyonî heta 24ê nîsana 2021î dewam kerd û dima îşxalkeran xo apey ant.

2-14ê nîsane de warê Şehîd Kendalî yê Amedî de artêşa tirke ya îşxalkere operasyonêk da destpêkerdene. Hêzanê ma no operasyon teqîb kerd û bi xurtî da îşxalkeran ro. Tîya de pêkewtişanê giranan dest pêkerd û 40 deqayan dewam kerd. Embazanê ma nê pêkewtişan de derbê pîlî dayî îşxalkeran ro. Artêşa tirke vat ke nê pêkewtişan de îşxalkerêk ameyo cezakerdene û 4 îşxalkerî zî birîndar bîyê. La hîna zêde îşxalkerî  ameyî cezakerdene. Embazê ma Mahîrî zî nê pêkewtişan de bi çêrî şer kerd û şehîd bi. Embazê ma Dara Bagok zî sey birîndar bi esîrê dişmenî. Operasyon 17ê nîsane de ame apeyantene.

Nasnameyê embazanê ma yê şehîdan wina yê:

Nameyê Qodî: Poyraz Bulanik Name û Peyname: Kurban Pehlîvan Cayê Bîyayîşî: Mûş Maye-Pî: Şehrînaze – Selahattîn Tarîx û Cayê Şehadetî: 14ê Nîsana 2021î / Amed

Nameyê Qodî: Azad Şoreş Name û Peyname: Ridvan Eryılmaz Cayê Bîyayîşî: Bedlîs Maye-Pî: Gulserene – Demîrhan Tarîx û Cayê Şehadetî: 14ê Nîsana 2021î / Amed

Nameyê Qodî: Numan Dorşîn Xinis Name û Peyname: Mîrkane Yalavuz Cayê Bîyayîşî: Erzirom Maye-Pî: Azîme – Halît Tarîx û Cayê Şehadetî: 11ê Çeleyê 2021î / Garzan

Partîya ma PKK mîrasê şehîdan ser o awan bîye û aver şîye. He şehadet bîyo sebeb ke têkoşînê ma gamêke aver şoro. No tradîsyono ke pê şehadetê embaz Hakî Karerî dest pêkerd, ewro zî  bi hawayêkê bihêzêrî resayo nika. Partîya ma PKK rayberîya şehîdan de şina.

Embazê ma Poyraz, Azad û Numan Garzan de şehîd bîyî û pê xoverdayîşê xo bîyî temsîlkarê milîtanîya nê tradîsyonî. Înan heta guleyê xo yê peyênî şer kerd û cewab da artêşa tirke ya faşîst-kolonyalîste.

Embazê ma Poyraz 1992 de Mûş de dadîya xo ra bi û pê qerardarîye têkoşînê xo ard koyanê Kurdîstanî, tewrê gerîlayan bi. Embaz Poyraz wextêkê kilmî ra pê bi fermandar, Zagrosan ra heta Garzanî xeylêk waran de rêçê xo verda û xoverdayîşê gerîlayan rê rayberîye kerde. Embaz Poyraz tim embazanê xo rê bi çimeyê moralî, Garzan de derbê pîlî dayî dişmenî ro û bi fermandarêko fedayî yê Apogîrîye.

Embazê ma azad 1994 de Bedlîs de dadîya xo ra bi û hema ke ciwan bi vera hêrişanê înkar û îmha tewrê gerîlayan bi. Roja tewrbîyayîşî ra heta roja şehadetî embaz Azad pratîkê gerîla mojna û pê kesayetê xo yê zerrînizmî û kedkarî bi mazharê hûrmetê embazanê xo. Embaz Azadî pê hêrsê vera dişmenî şer de tim tewr vernî de ca girewt.

Embaz Nûman 1994 de Êlih de dadîya xo ra bi û vera polîtîkaya bênasnameverdişî ya dewlete tewrê gerîlayan bi. Embaz Numan eşkera kerd ke ciwanê kurdî bêalternatîf nîyê, adirê azadîye yê Rayber Apoyî rayîrê şarê ma roşnî keno. Embaz Numan wextêkê kilmî de bi gerîlayêko marîfetin û çalakîyan de tim tewr vernî de ca girewt.

Embazê ma Mahîr Amed de dadîya xo ra bi û vera asîmîlasyonî tewrê gerîlayan bi. Embaz Mahîrî tim bale xo da meseleyanê 'Dişmenî ra senî qesas yeno girewtene, îşxalê dişmenî senî qedîyeno' ser û xîret kerd ke bibo çareserîye. Embaz Mahîrî pê marîfetê xo wextêkê kilmî de bi fermandarêko xurt û seba ke bireso gerîlatîya moderne xeylêk xîret kerd. Embazê ma Mahîr pê waştişê xo derbazê warê Amedî bi û wextê operasyonî de derbê pîlî dayî dişmenî ro.

Sere de keyeyanê ercîyayeyan ê şehîdanê ma rê ma pêro şarê welatperwerî yê Kurdîstanî rê serweşîye wazenê. Ma reyna soz danê ke ma do têkoşînê şehîdan pê serfîrazî tacîdar bikerê.''