Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê artêşa tirke ya îşxalkere de eşkerayîyêke daye. Eşkerayîye wina ya:

''Serrgêra 45. ya ronîyayîşê partîya ma PKKyî bi çalakîyanê gerîlayanê azadîye yê Kurdîstanî ameye fîrazkerdene. Herêma Metîna de bi cesaret û ruhê Apogîrî hêzanê ma çalakîyê bitesîrî kerdî û 12 îşxalkerî ceza kerdî. Nê çalakîyan de embazê ma Egîd şehîd bi. Şehadetê ey do bibo sondê serkewtişê têkoşînê partîya ma û qesasê şehîdanê ma.

Herêma Metîna

20ê teşrîna peyêne de Ware Xoverdayîşî yê Girê Ortê de bi çalakîya bikoordîne gerîlayanê ma da îşxalkeran ro. Baska çalakîye ya yewine 4 îşxalkerî ceza kerdî, 2 mewzîyî û 1 mobese îmha kerdî. Baska diyîne 4 îşxalkerî ceza kerdî. Baska hîrêyîne zî da îşxalkeran ro. Baska çarine 4 îşxalkerî ceza kerdî. Baska pancine zî 2 mewzîyî derb kerdî.

Na çalakîya bikoordîne seba fîrazkerdişê serrgêra 45. ya ronîyayîşê partîya ma ameye kerdene. Na çalakîye de embazê ma Egîdo ke bi cesaret û ruhê fedayîyî şibi serê dişmenî şehîd bi. Na çalakîye de bi temamî 12 îşxalkerî ameyî cezakerdene, 1 kameraya mobese û 2 mewzîyî ameyî îmhakerdene û 3 mewzîyî ameyî derbkerdene.

Hêrişê artêşa tirke ya îşxalkere

18-19ê teşrîna peyêne de mewzîyê Warê Xoverdayîşî yê Girê Çarçelî 3 reyî pê dronanê teqaberan û mewzîyê Warê Xoverdayîşî yê Girê Ortê zî pê teqaberanê qedexeyan dîyayî bombayan ver.

19-21ê teşrîna peyêne de warê Awa Lolanî û Şehîd Şerîfî yê Xakurkê, warê dewa Dergelê yê Metîna dîyayî bombayan ver.

Herêmê Zap, Şehîd Delîlî, Metîna û Xakurkê dîyayî topan ver zî.''