Yewîya Şehîd Dogan Zinarî mabênê tarîxanê 6-25ê hezîrane de pê wesayîtanê hewayî vera artêşa tirke 16 çalakîyî kerdî. Çalakîyan de tewr tay 6 îşxalkerî ameyî cezakerdene û xeylêk mewzî û xeymî ameyî îmhakerdene.
Merkezê Îrtîbatî û Çapemenîye yê HPGyî derheqê çalakîyanê gerîlayan ê pê wesayîtanê hewayî de eşkerayîye daye û nê vatî:
''Gerîlayanê Azadîye yê Kurdîstanî ke xo çarçewaya gerîlatîya modernîteya demokratîke de newe kerd, têkoşînê ma yê çekdarî yê 40 serran de taktîk û hakîmîyetê tekînîkî de resayî merhaleya berze. Hêzê ma gerîlayî bi tewirê şerî yê tîmanê pîsporan, ser û binê erdî de bi hewayêkê serkewteyî têkoşînê ke rayra benê bi taktîkanê neweyan kirişt azmînê Kurdîstanî. Gerîlayê ma yê azadîye pîya wardayîşê droneyanê çekdaran ê dewleta tirke yê ke azmînê Kurdîstanî de fir danê, eşkenê hewayî ra bidê artêşa tirke ro zî.
Yewîya Şehîd Dogan Zînarî ya ke nameyê Endamê Komîteya Newera Ronayîşî yê PKKyî, Konseya Fermandarîya HPGyî, Fermandarê Warê Werteyî Fermandarê ma yo Bêmerg û Fedayî Şehîd Dogan Zinarî girewt,menga fedayîyan a hezîrane de vejîyayîşo muhîm kerd.
Na çarçewa de Yewîya Şehîd Dogan Zinarî mabênê tarîxanê 6-25ê hezîrane de Herêma Şehîd Delîlî ya Rojawanê Zapî de baregehê artêşa tirke pê wesayîtanê hewayî hedef girewtî û da pîro.Warê Xoverdayîşî yê Girê Cûdîyî de 1, Warê Xoverdayîşî yê Girê FMyî de 2, Warê Xoverdayîşî yê Amêdîye de zî 13 reyî baregehê îxalkeran ameyî pirodayene. Nê çalakîyan de goreyê netîceya ke safî bîye, tewr tay 6 îşxalkerî ameyî cezakerdene,xeylêk mewzî, xeymî ameyî îmhakerdene û zafê warê baregehanê îşxalkeran ameyî texrîbkerdene.''
