Merkezê Îrtîbatî û Çapemenîye yê HPGyî gerîlayê ke 2017 de herêma Serhedî de şehîd bîyî bi eşkerayîyêke yad kerdî. Eşkerayîye wina ya:

''11ê gulana 2017î de warê Tendûrekî yê herêma Serhedî de çalakîya Tendûrekî de ke tede xeylêk îşxalkerî ameyî cezakerdene û dişmen tira ame vetene ewladanê çêran ê şarê ma Argeş, Canfeda, Çekdar, Cemal û Nurhak bi qehremanî şer kerd û şehîd bîyî. Ma embazanê xo yê ke bi xeta xo ya fedayîtîye Serhed de bîyê efsane bi rêzdarî û minetî yad kenê, perwerîya xo ya bi vîrameyîşê înan dibare kenê.

Nasnameyê embazanê ma yê şehîdan wina yê:

Embaz Argeş Wan de dadîya xo ra bîyo. Embaz Argeş dima ke xebatanê ciwanan de ca girewt 2009 de tewrê gerîlayan bi. Embaz Argeş 2014 de derbazê erdê xo Serhedî bi. Embaz Argeşî tim xîret kerd ke Rayberîye hol fam bikero û çi musayo embazanê xo de pare kerd. Embaz Argeşî warê gerîlatîye de zî xo aver berd û bi fermandarêko marîfetin. Embaz Argeşî pêro wezîfeyê xo bi serkewtişî ardî ca. Embaz Argeşo ke ciwanîya xo de tewrê têkoşînî bi, mîrasê ey tim do vernîya embazanê ey roşnî bikero.

Embaz Canfeda Agirî de dadîya xo ra bîyo. Embaz Canfedayî verî xebatanê ciwanan de ca girewt, dima zî verê xo da koyanê azadan. Embaz Canfedayî Zagrosan de gerîlatîye pratîze kerd û uca ra derbazê herêma Serhedî bi. Embaz Canfeda wextêkê kilmî de bi fermandar û pêro mesuldarîyê xo ardî ca. Ey xeylêk çalakîyanê serkewteyan de derbê giranî dayî dişmenî ro û tim kerd ke çîyêkê neweyî bimuso. Embaz Canfeda tim do mîyanê têkoşînê ma de biciwîyo.

Embaz Çekdar Agirî de dadîya xo ra bîyo. Embaz Çekdarî cigêrayîşanê xo yê xorinan ra pey partîya ma PKK şinasna û seba têkoşînî verê xo da koyanê azadan. Embaz Çekdarî cade cuya gerîlatîye musa, waranê Tendûrek, Kirê Korî û Gilîdaxî de gerîlatîye kerde. Ey wextanê tewr krîtîkan de zî bawerîye daye embazanê xo û şarê xo. Embaz Çekdarî warê îdeolojîya Rayberîye de zî tim xo aver berd, çalakîyan de derbê giranî dayî dişmenî ro û binvistişê dişmenî yê Serhedî de bi wayîrê kedêka pîle.

Embaz Cemal Agirî de dadîya xo ra bîyo. Embaz Cemalî hema ciwanîya xo de têgêrayîşê azadîye şinasna, xebatanê ciwanan de ca girewt û o 2014 de zî tewrê gerîlayan bi. Embaz Cemalî sey Metîna û Botanî waranê çetinan de têkoşîn kerd, gerîlatîye bi hawayêkê zixmî tecrube kerde û 2016 de derbazê herêma Serhedî bi. Embaz Cemalî Serhed de têkoşînêko tesîrîn kerd, rolê rayberîye ard ca û bi milîtanêko serkewte yê partîya ma. Embaz Cemal pê kesayetê xo bi mazharê hûrmetê embazanê xo.

Embaz Nurhak Wan de dadîya xo ra bîyo. Embaz Nurhakî verî mîyanê Komalanê Ciwanan de ca girewt û metropolan de çalakîyanê şarê ma rê lîderîye kerde. Embaz Nurhak dima hetê dewlete ra tepişîya û 5 serran zîndan de mend. Embaz Nurhak dima ke zîndanî ra vejîya tewrê gerîlayan bi û herêma Serhedî de bi wezîfeyê fermandarîye têgêra. Ey zerrînizmîya xo ra qetî tawîz nêda, tim xo sey deyndarê şar, Rayberîye û partîye hîs kerd. Coka ey tim xîret kerd ke ruhê fedayî yê Apogîran temsîl bikero û bibo layîqê keda şarê xo.

Nê embazanê ma herêma Serhedî de destanî nuştî û xeyalê qirkerdişî yê dişmenî tarûmar kerdî. Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê.''