Merkezê Çapemenî û Îrtîbatî yê HPG’yî da zanayene ke gerîlayan Colemêrg, Şirnex, Botan û Avaşîn de çalakîyî viraştî.

Eşkerayîya HPG’yî de nê zanayîşî ameyî parekerdene:

Çelê de sergordêk û di eskerê birutbeyî ameyî kiştene

“ÇarçewayaHemleya Şorişgerî ya Şehîd Bager û Şehîde Ronya de hêzanê ma bi wesîleya serrgêra şehadetê Şehîde Zîlan a ke 30’ê Hezîrane de çalakîya fedaîye kerdebî, vera artêşa Tirkî ya îşxalkare çalakîyê bitesîrinî viraştî.

28’ê Hezîrane saete 04.00 de artêşa Tirkî ya îşxalkare der û dorê dewa Dawûşa ya Çelê yê Colemergî de teba kontrayan operasyonêk da destpêkerdene. Hêzanê ma yewîyêka operasyonî kerde binê kontrolê xo û nêzdî ra da înan ro. Na çalakîye de sergordêk û di eskerê birutbeyî ameyî kiştene. Dimayê çalakîye artêşa Tirkî ya îşxalkare bi teyareyanê hewayî yê bêmerdiman û helîkopteran operasyonêko hîratir kerd û eskerî wareyanê Tepê Kawa, Dawûşa û Mêrbûka de ronayî. Operasyon bi tewrbîyayîşê yewîyanê nimiteyan hîna zî dewam keno. Yewîya ma ya ke na çalakîye kerda, bi selametî agêraye qerargehê xo.

Avaşîn de çalakîye hemwextî: 6 eskerî ameyî kiştene

29’ê Hezîrane saete 16.00 de hêzanê ma bi hawayêkê hemwextî Girê Şikêr û Tepê Xwedê yê wareyê Avaşînî yê Herêmê Pawitişî yê Medya de çalakîyî viraştî. Her di giran de bi serkewtî mewzî û stargehê dişmenî ameyî pirodayene û nê çalakîyan de 6 eskerî ameyî kiştene. Dimayê çalakîyan artêşa Tirkî ya îşxalkare eskerê xo yê merdî û birîndarî bi helîkopteranê Skorskyî wareyî rê vetî.

Qileban de Sûîqast: Eskerêk ame kiştene

29’ê Hezîrane saete 08.00 de hêzanê ma vera eskeranê Qereqolê Serbendî yê Qilebanê Şirnexî çalakîyêka sûîqaste viraşte. Na çalakîye de eskerêk dişmenî ame kiştene. Na çalakîye seba vîrardişê serrgêra şehadetê Şehîde Zîlane ameye viraştene.

Hêzanê ma çarçeweya Hemleya Qesasî ya Şehîde Medya Mawa û Şehîd Rizgarî de, seba serrgêra şehadetê Şehîde Zîlane yê 30’ê Hezîrane vera artêşa Tirkî ya îşxalkare çalakîyî viraştî. Goreyê naye zî;

Sîlopî de 2 eskerî ameyî kiştene

Roja 28’ê Hezîrane saete 22:00 de hêzanê ma vera eskeranê îşxalkaran ê ke nêzdîyê dewa Germîta ya qezaya Slopî yê Şirnexî de holika nobete awan kenê çalakîye viraşte.  Na çalakîye de 2 eskerî ameyî kiştene.

Kontrayêk ame cezakerdene

Eynî roje hêzanê ma Botan de kontrayo bi nameyê Cemal Laçîn ceza kerd. No şexs şehadetê hemrayanê ma Îrfan Dîrok (Akîf Tûrhan), Baran  (Bayram Hakseve), Devrîm (Ahmet Karaaslan) û Şoreş (Çavûş Abbaszade) yê ke 1’ê Temmuze 2018’ de rolêko aktîf kay kerd. Nê şexsê ke şahadetê gerîlayan de rol gênê û dişmenî reyde kar kenê, kotî de benê wa bibê, key bibo zî do bêrê cezakerdene.

Qilebanê de operasyon

Roja 29’ê Hezîrane destê şodirî de artêşa Tirkî ya îşxalkare bi tewrbîyayîşê xeylî eskeran herêma Qaplana û Tengava Kêlê ya qezaya Qilebanî ya Şirnexî de operasyon da destpêkerdene. No operasyon eynî roje saetanê şanî de bê netîce apey de ancîya.

Şemzînan de 4 gerîlayî şehîd kewtî

Roja 24’ê Hezîrane de, bi şewe mabênê dewanê Pola û Tuyê yê qezaya Şemzînan a Colemêrgî de hêzê ma bi artêşa Tirkî ya îşxalkare rastê yewbîbî ameyî û kewtî pêkewtiş. Nê pêkewtişî de 3 hemrayê ma şehîd kewtî, hemrayêkê ma zî dimayo ke birîndar beno seba ke nêkewo destê dişmenî bomba xo ser o teqne û şehîd bi. Nê şerî de 4 eskerê dişmenî bî birîndar. Zanayîşê nasnameyanê hemrayanê ma yê şehîdbîyayîyan ma do boda rayapêroyî reyde bêrê parkeredene.

Hêrîşê hewayî yê Zagrosî

Roja 27’ê Hezîrane mabênê saetanê 21:30 û 22:30 de teyareyanê şerî yê artêşa Tirkî ya îşxalkare wareyê herêma Zagrosî bombardûman kerd. Nê bombardûmanan de tu zirarêk nêresto hêzanê ma.”