Merkezê Îrtîbatî û Çapemenîye yê HPGyî  nasnameyê şehîdêkî eşkera kerd û nê vatî:

“Hemrayê Cesur Azad  mîlîtano fedayî, fermandaro serkêş ê partîya ma, merdimê zanîstî, westayê teknîkî, yo ke sey dervîşan ciwîyayêne 1ê kanûna 2022yî de hêrişê dişmenî de şehîd bi. Şorişgêr  û fermandaro fedayîyo ke do çirey herinda ci nêro dekerdene, do çirey nêro vîrakerdene. Ma do wayîrê têkoşînê ci bivejîyê.  Ma keyeyê hemrayê xo yê erjîyayeyî rê, şarê welatperwerî yê Mêrdînî û heme şarê Kurdîstanî rê serweşîye wazenê.

Nasnameyê hemrayê ma Cesur Azadî wina yo:

Hemrayê ma Cesur 1978î de dewêka Şemrexî ya Mêrdînî de yeno dinya. Keyeyêkê welatperwerî de beno pîl û rîyê şertanê ekonomîkî ra hema qijtîya xo de sey karkerî xebityeno. Metropolanê Tirkîya de vera asîmîlasyonê kulturkî vindert û 2003 de verê xo dano koyanê Kurdîstanî û tewrê sefanê gerîlayan beno. Zapî ra heta Garê her warî de bi xebatanê xo yê serkewteyan bale anceno xo ser. Cayê îdarekaranê rêxistine de maneno û tewrê xebatanê înan beno. Bado ke xeylêk tecrube keno pêser tewr Hêzanê Taybetan beno û perwerdeyê xo bi serkewtişî temam keno. Dima ra tewrê xebatanê zanistî û teknîkî beno. Sey nameyê xo gamanê cesuran erzeno.1ê kanûna 2022yî de gama ke wezîfeyî ra agêreno hêrişê dişmenî de şehîd beno."