Merkezê Çapamenî û Îrtîbatî yê HPG’yî  derheqê çalakîyanê gerîlayî yê Colemêrg û Agirî û hêrişê vera herêmanê gerîlayî de zanayîş da.

Eşkerayîye de ca dîya nînan:

‘’Çarçeweya Hemleya Şorişgêre ya  Serkewtişî ya ke Eyaletê Serhadî de yena domnayene de 26’ê Hezîranê de hêzanê ma vera Qereqolê Bûbo yê qezaya Bazîdî ya Agirî de çalakîyêk viraşte. Çalakîye de xeylî leşkerî ameyî kiştene û xeylî sîlehê giranî yê dişmenî ameyî îmhakerdene.

Qezaya Çelê ya Colemêrgî de zî heman roje de çarçeweya Hemleya Şehîd Bager û Şehîde Ronya de nuqteya kontrolî ya mintiqaya Derava Qesranê de îşxalkarî ameyî pirodayene. Çalakîye de tesbîtkerde leşkerêk ame kiştene.

27’ê Hezîrane de teyareyanê şerî yê artêşa Tirkî herêma Şehîde Bertîne ya Xakurkê û 26’ê menge de zî herêma Kesta û Qilê Şehîd Pilingî yê Metîna bombardûman kerdî. Heman roje de hêrişê hewayî yê vera herêma Kûnîşka ya Zapî de şewat vejîya.

Reyna heman roje de dewijê Goşine yê Xakurkê bîyî hedefê hêrîşê teyareyanê şerî yê Tirkî. Netîceya hêrişî de dewijo bi nameyê Mansûr Nafîh ame qetilkerdene û 3 dewijî birîndar bîyî. Dewleta Tirkî bi herêşê vera sivîlan wazena ke heme herême bêmerdim bikero  û Başûrê Kurdistanî bigêro binê kontrolî. Hêrişkarî bi nê hêrişan wazenê ke yewîya neteweyîye ya Kurdan perçe bikerê. Şarê ma ganî vera nê îşxalkaran bivejîyo. Ma sey gerîlayanê Têgêrayîşê Azadîye  hêrişanê vera Kurdan  bê cewab nêverdenê. Ma sere de merdimanê Mansûr Nafîhî, heme şarê Başûrê Kurdistanî rê serweşîye wazenê.’’