Merkezê Çapemenî û Îrtîbatî yê HPG’yî bi eşkerayîyêk derheqê çalakîyanê gerîlayan û hêrişê artêşa Tirkî de nê pare kerdî:

Çalakîya YJA Starî de 7 Leşkerî Ameyî Kiştene

‘’12’ê Hezîrane de hêzanê ma yê YJA Starî herêma Xakurkê de vera Qilê Lêlîkanî  çalakîyêk viraşte. Çalakîya bitesîrî de 2 leşkerî ameyî kiştene. 20’ê Hezîrane de nêzdîyê Qilê Xwedê de leşkerê Tirkî hetê hezanê ma yê YJA Starî ra ameyî pirodayene. 1’ê înan payeberz 5 leşkerî ameyî kiştene.

Çelê de Çalakîya Sabotajî

Qezaya Çelê ya Colemêrgî de 21’ê Hezîrane de wesayîtêkê bi Tîpê Reo yo ke ver bi îstîkametê Qereqolê Gîre  şîyêne hetê hêzanê ma ra ame pirodayene. Çalakîya sabotajî de  wesayît ame îmhakerdene merde û birîndarî nêameyî tesbîtkerdene. Embazê ma yê ke nê hîrê çalakîyî viraşte weş resayê cayê xo.

Şax de Panzerêk Ame Derbkerdene

Qezaya Şaxî ya Wanî de hêzanê ma 17’ê Hezîrane de vera Qereqolê Tingê yo ke herêma Kato Xelîla de yo çalakîyêk viraşte. Çalakîye de leşkerêk ame kiştene û panzerêk ame derbkerdene. Dimayê çalakîye artêşa Tirkî 19’ê menge de dest bi operasyonî kerd.

Botan de Leşkerê ke Vejîyayî Operasyon Ameyî Pirodayene

Botan de çarçeweya Hemleya Qesasî ya Şehîde Medya Mawa û Şehîd Rizgar Geverî de  vera yewîyanê operasyonî de çalakîyî ameyî viraştene. Goreyê nayê;  leşkerê îşxalkarê ke 4 hetanê cîya- cîyayan  kewtê herême 19’ê Hezîrane de hetê hêzanê ma ra hedef ameyî girewtene. Vera leşkeranê ke vejîyayî operasyon, opresayonêko şorişgêr ame viraştene. Netîceya çalakîyan de 7 leşkerî ameyî kiştene û 2 zî birîndar bîyî. Artêşa Tirkî ya ke derbeyê girdî werdî heman roje saetanê şewe de peyser ancîyaye. Nê operasyonî de vînîbîyayeyê ma çîn ê.

Hatay de Fermandarê Yewîye Ame Kiştene

Qezaya Dortyolî yê Hatayî de 19’ê Hezîrane de yewîyêka artêşa Tirkî ya ke wareyanê Tofdakî de damî nayêne ro hetê hêzanê m ara ameyî pirodayene. Netîceya Çalakîye de fermandarê yewîye zî tede 2 leşkerî ameyî kiştene 2 zî birînda bîyî.''