HPG: Xemgîn Serhed û Bahoz Farqîn Amed de şehîd bîyî
HPGyî da zanayene ke pêkewtişanê 8ê hezîrane yê qezaya Licê ya Amedî de fermandarê gerîlayan Xemgîn Serhed û Bahoz Farqîn şehîd bîyî.
Merkezê Îrtîbatî û Çapemenîye yê HPGyî nasnameyê di şehîdanê Amedî eşkera kerdî û nê pare kerdî:
"8ê hezîrana 2023yî de qezaya Licê ya Amedî de mabênê artêşa tirke ya îşxalkere û hêzanê ma de pêkewtişê giranî qewimîyayî. Nê pêkewtişan de ferdaranê ma yê fedayîyan ra Xemgîn Serhed û Bahoz Farqîn tewrê kerwanê şehîdan bîyî.
Hemrayê ma Xemgîno ke 23 serrî yo Têkoşînê Azadîye yê Kurdîstanî de xeylêk waran de wezîfeyê cîya cîyayî girewtî xo ser û gerîlatîye kerde, xo her hetî ra aver berd û bi fermandarêko serkewte yo serkêş. Hemrayê ma Bahozo ke serranê xo yê ciwanan de tewrê têkoşînî bi, demê kilmî de vejîyayîşî girdi kerdî û bi mîlîtanêko nimûne. Ma sere de keyeyanê erjîyayeyan ê hemrayanê xo rê, heme şarê welatperwerî yê Kurdîstanî rê serweşîye wazenê.
Nasnameyê hemrayanê ma yê şehîdan wina yê:
|
|
Nameyê Qodî: Xemgîn Serhed |
|
|
Nameyê Qodî: Bahoz Farqîn |
Hemrayê ma Xemgîn Serhed Milazgîrê Mûşî de keyeyêkê welatperwerî de yeno dinya û sey ferdêkê eşîrê Mîlîyî bi kulturê Serhedî beno pîl. Têna hîrê serrî mektebanê tirkan de wendo û dima ra keyeyê ci bar keno, şino metropalanê tirkan û o zî sey kedrêkî paştî dano keyeyê xo. 2000 de Îstanbulî ra kewno rayîrî û Kelareş de tewrê sefanê gerîlayan beno. Hemra Xemgîn verî Xinerê û Zap gerîlatîye keno û tewrê Hêzanê Taybetan beno. 2006 de verê xo dano Vakurê Kurdîstanî û heta 2013yî bêmabên 8 serrî eyaletî Amedî de têkoşîn keno. Sere de warê Şehîd Bûrskî yê Amedî de xeylêk çalakîyanê sereweyan rê serkêşîye keno. Wextê peyserantişî de şino Herêmanê Pawitişî yê Medya. 2014 de tewrê perwerdeyê Akademîya Hakî Karerî beno berpirsîyarîya îdareyê partîye geno xo ser. Bado ke çar serrî nê wezîfeyê xo bi serkewtişî ano ca, 2018 de tewrê Hêzanê Taybetan beno û pîya bi embaz Cumalî Çorumî fedayîyan perwerde keno. Dima ra tewrê perwerdeyê Ocagê Sakîne Cansiz beno û reyna verê xo açerneno Amedî.
Hemrayê ma Bahoz Farqînê Amedî de yeno dinya û bi kulturê welatperwerîye beno pîl. Verî xebatanê ciwanan de ca geno û 2018 de verê xo dano koyanê Kurdîstanî û tewrê sefanê gerîlayan beno. Waranê Şehîd Kendal, Şehîd Remzî û Dorşînî yê amedî de tewrê pratîkî beno. Dima ra çalakîyan de cayê xo geno. Warê Amedî de xeylêk wezîfeyanê krîtîkan geno xo ser û bi serekwtişî ano ca."
