Merkezê Çapemenî û Îrtîbatî yê HPG’yî nasnameyê 4 gerîlayanê ke 30’ê Hezîrane de mabênê dewanê Tûyê û Pola yê qezaya Şemzînanî ya Colemêrgî de şehîd kewtîbî eşkera kerdî.

Eşkerayîya HPG’yî de nê ameyî vatene:

“Ma eşkerayîya xo ya 30’ê Hezîrane de dabi hesnayene ke 24’ê Hezîrane de herêma mabênê dewanê Tûyê û Pola yê qezaya Şemzînanî ya Colemêrgî de şer virazîyayo û netîceyê şerî de 4 embazê ma şehîd bîyê. Nasnameyê embazanê ma yê şehîdan wina yo:

Andok Hîşyar

Nameyê Qodî: Andok Hîşyar Name Peyname: Mehmet Reşat Yazici Cayê Bîyayîşî: Wan Maye-Pî: Salîha - Koroglû Tarîx û Cayê Şehadetî: 24’ê Hezîran a 2019’î / Şemzînan

Hemrayê ma Andok Hîşyar serra 1993 de Wan de zereyê keyeyêkê welatperwerî de ame dinya. Hewna emrê xo yê domanîye de zulm û zorê dişmenî nizd ra dî û muameleyê teberê merdimîye yê ke hemverê şarê Kurdî de yenê kerdene bîyî sebeb ke hemra Andok na yewe ser o vindero û biperso. Hemra Andokî fam kerd ke rayîro tekane yê hemverê faşîzmî yo ke serê Kurdan de yeno bicaardene mucadeleyê PKK’yî yo û serra 2014 de tewrê refanê PKK’yî bi. Roja ewilêne ra nata bi perwerdeyan hetê îdeolojîk û leşkerîye ra xo kerd mîlîtanêko ciraameye û timî averşîyayîşî xo rê esas girewt. Qaso ke xo aver berdêne, kerdêne ke hemrayanê xo zî aver bero. Hemra Andokî fam kerd ke serkewtiş bi ked û fedakarîye beno û her wareyo ke tede mendibi de her tim bi mîsyonê serkêşîye têgêra.

Mîrza Germîyan

Nameyê Qodî: Mîrza Germîyan Name Peyname: Piştivan Fetîh Cayê Bîyayîşî: Germîyan Maye-Pî: Afdahe - Fetîh Tarîx û Cayê Şehadetî: 24’ê Hezîran a 2019’î / Şemzînan

Hemrayê ma Mîrza Germîyan serra 1996 de Başûrê Kurdistanî de herêma Germîyanî ya ke bi xoverdayoxî û şerwanîya xo yena naskerdene de ame dinya. Hemra Mîrza kewt binê tesîrê şerê PKK’yî yê hemverê DAÎŞ’î û felsefeya mîmarê nê têgêrayîşî ya Rayber Apoyî nas kerde. Hemra Mîrzayî cigêrayîş kerd, wend û seba azadîya Kurdistanî serra 2015 de tewrê refanê gerîlayan bi. Hemra Mîrzayo ke kulturê cimatê xo rind ciwîyayêne, xo bi perwerdeyanê exlaqî û polîtîkan ê PKK’yî kerd ciraameye. Bi tewirê xo yê sadeyî yê cuye hemrayanê xo rê bi moral. Hemra Mîrza hemverê artêşa TC’yî ya faşîste ke Kurdistan îşxal kerdo bi rolê serkêşîye mucadele kerd û îşxalkarîya dewleta TC’yî ya serê Başûrê Kurdistanî çi rey qebûl nêkerde. Hemverê naye de mucadele kerd, resa dereceya şehadetî û bi mîlîtanêko nimûne, ke ruhê xoverdayîşî yê dewrî ramojneno.

Roza Têkoşîne

Nameyê Qodî: Roza Têkoşîne Name Peyname: Rojbîn Arcagoke Cayê Bîyayîşî: Amed Maye-Pî: Saadete - Mehmet Nezîr Tarîx û Cayê Şehadetî: 24’ê Hezîran a 2019’î / Şemzînan

Hemraye Roza Têkoşîne serra 1997 de Amed de amî dinya û rixmê zextanê dişmenî de ercê xo pawitî. Emrê xo yê ciwanî de hemverê muameleyanê faşîzanan ê dewleta Tirkî yê bi şarê Kurdî de serra 2015 de tewrê refanê gerîlayan bîye û dest bi mucadeleyêkê aktîfî kerd. Bi waştişêkê pîlî wezîfe û mesuldarîyê xo bica ardî, şerê hemverê îqtîdarê AKP-MHP’yî yê faşîst ê qirkerdoxî de bîye embazanê ma ra yewe ke refanê vernîyan de mucadele kerdêne.

Sema Arîne

Nameyê Qodî: Sema Arîne Name Peyname: Marya Mîrayîmîlane Cayê Bîyayîşî: Makû Maye-Pî: Ferîde - Adil Tarîx û Cayê Şehadetî: 24’ê Hezîran a 2019’î / Şemzînan

Hemraya ma Sema Arîne serra 1995 de bajarê Makû yê Rojakewtena Kurdistanî de dormeyêkê welatperwerî de amî dinya. Emrêkê ciwanî de rastîya dişmenî nas kerde û hemverê şerê qirkerdişî yê dewleta TC’yî tewrê refanê gerîlayan bîye. Sanîyeya destpêkî ra bi coş û heyecan tewrê mucadeleyî bîye. Bi tewirê xo yê bicewherî û mutewazîyî embazanê xo rê her wareyî de bîye nimûne. Wezîfeyê ke aye rê ameyî dayene bi hawayêkê tewr rindî bica ardî. Seba ke peynîya îşxalkarîya dişmenî ya Kurdistanî bîyaro heta vîsta peyêne zî şer kerd û tewrê karwanê şehîdan bîye.

Sere de keyeyê ercayeyî yê hemrayanê ma Andok, Mîrza, Roza û Sema ke derbeyê giranî dayî dişmenî ro, ma hemeyê şarê Kurdistanî yê welatperwerî rê serweşîye wazenê û ma soz danê ke ma do meşteyanê azadan yê ke hewn û xeyalê şehîdanê ma bî biafernê.”