Merkezê Çapemenî û Îrtîbatî yê HPG’yî derheqê çalakîyanê gerîlayan de eşkerayîyêk daye û nê pare kerdî:

Çalakîyanê Çelê de 3 Leşkerî Ameyî Kiştene

‘’26’ê Hezîrane de hêzanê ma qezaya Çelê ya Colemêrgî de da leşkeranê Tirkî yê ke Qilê Serzerî de ameyîbî cakerdene ro. Çalakîye de leşkerêk ame kiştene. 28’ê Hezîrane de hêzanê ma Qilê Serzerî de reyna da îşxlakanê Tirkî ro, 3 leşkerî ameyî kiştene. Dimayê çalakîye îşxalkaran herême bombardûman kerde.

Çalakîya Xakurkê de Leşkerêk Ame Kiştene

1’ê Temmuze de hêzanê ma yê YJA Starî  çarçeweya Hemleya Şorişgêre ya Şehîd Bager û Şehîde Ronya ya ke Wareyê Pawitişî yê Medya de yena domnayene de Xakurkê de çalakîyêk viraşte. Çalakîya ke Qilê Sarya de ameye vişatene de leşkerêk ame kiştene.

Şirnex de Çalakîya Sabotajî

30’ê Hêzane de çarçeweya Hemleya Qesasî ya Şehîde Medya Mawa û Şehîd Rizgar Geverî ya ke Botan de yena domnayene Şirnex de Qereqolê Kronî yo ke mabênê merkezê bajarî û dewa Gundikê Melê de yo hetê hêzanê ma ra ame pirodayene. Çalakîya sabotajî ke vera wesayîtêkê zirxinî de ameye viraştene wesayît derb girewt la derheqê merde û birîndarê dişmenî de zanahîş dest nêkewt.

Besda de Sûîqast

29’ê Hezîrane de hêzanê ma herêma Besta ya Şirnexî de vera leşkeranê ke Dola Eyşedinkê de ameyîbî cakerdene çalakîya sûîqastî viraşte. Hûmara merde û birîndaran a na çalakîye nêameyî tesbîtkerdene.’’