Merkezê Çapemenî û Îrtîbatî yê HPG’yî bi eşkerayîyêka nuştekîye da pêhesnayene ke di gerîlayê cinîyî  hêrişê hewayîyî yê Tirkî yê hemverê Qendîlî de cuya xo vînî kerde û nasnameyê înan eşkera kerdî.

HPG'yî bi eşkerayîya xo ya nûştekîye de vat, “Roja 28’ê Gulane artêşa Tirkî ya îşxalkare hemverê herêma Qendîlî yê Wareyê Pawitişî yê Medya de hêrişo hewayî kerd. Ma rayapêroyîye dir pare kerdibi ke di embazê ma netîceyê hêrişî de resayê şehadet.”

Nasnameyê di gerîlayanê ke eşkerayîye de ca dîya wina yê:

Nameyê Qodî: Aryana Botan

Name Peyname: Zozan Îbrahîm

Cayê Bîyayîşî: Dêrik

Maye-Pî: Henîfa-Hamît

Tarîx û Cayê Şehadetî: 28’ê Gulane 2019 / Qendîl

Nameyê Qodî: Rûken Goyî

Name Peyname: Bişeng Yaman

Cayê Bîyayîşî: Şirnex

Maye-Pî: Emîne-Ahmet

Tarîx û Cayê Şehadetî: 28’ê Gulane 2019 / Qendîl

HPG 'yî vat “Hemrayê ma Aryana û Rûkene, hemverê zext û asîmîlasyono ke şarê Kurdî ser o yeno bicaardene de tewrê Têgêrayîşê Azadîye bîyê û kewtê mîyanê mucadeleyê aktîfî” dewam de nê vatî:

“Nê 2 hemrayê ma yê ke xo fedayê azadîya şarê Kurdî kerdê, mîyanê wareyo ke mendê de bi kedkarî û pêgirewtoxîya xo ya bi têgêrayîşî ameyê naskerdene. Hemrayê ma Aryana û Rûkene yê ke xo Îdeolojîya Cinîya Azade ya Rayberîya ma de xo aver berdo, gureyê ke kewtê înan milî ser bi serkewtişî bica ardê. 2 hemrayanê ma yê cinîyan ê mîlîtanan bi perwerdeyo ke girewto xo aver berdo û heta helmê xo yê peyênî hemverê hêrişanê îşxalî yê dişmenî de mucadeleyêko pîl dayo.

Ma soz danê ke ma do beyraqa hemrayanê ma Aryana û Rûkene ke nameyê pakî, durustî û pêgirewtişî yê heta biresnê serkewtişî bikirişnê, sere de keyeyanê ercayeyan ê her di hemrayanê xo, ma heme şarê Kurdî yê miletperwerî rê serweşîye wazenê.”