Merkezê Çepemenî û Îrtîbatî yê HPG’yî nasnameyê 2 gerîlayanê ke 18’ê Gulan a 2019’î de dewa Derto yê qezaya Xelfetî ya Riha de şehîd bîbî eşkera kerdî û vat, gerîlayê ke şehîd bîyê Mesût Tûtkal ê bi nameyê qodî Laşer Çewlîk û Mehmet Ûlûcayo bi nameyê qodî Tolhildan Dîrok bîyê.

Eşkerayîye de dewam de nê ameyî vatene:

„18’ê Gulan a 2019’î de dewa Derto ya qezaya Xelfetî ya Riha de artêşa TC’yî îşxalkare qedexeya tebervejîyayîşî îlan kerd, îşkenceyê giranî heme dewijan ser o kerdî. Heman roje de, mabênê 2 embazanê ma yê ke wareyo ke dewe de maneno de gureyî ser o bîyî û artêşa TC’yî ya îşxalkare de heta ereyîya şewe şerêko pîl vejîya. Nê şerî de yew tira hetkarê komîserê POH’î, 2 tîmê taybetî ameyê kiştene û 2 zî înan ra birîndar bîyê. Rojêk, rixmê heme hêrişanê giranan ê îşxalkaran de zî bi îmkananê kemîyan kewtê kozikan û derbeyê giranî dayê îşxalkaran ro. Hemrayê ma Laşer (Mesût Tûtkal) û Tolhildan (Mehmet Ûlûca) tewrê karwanê şehîdanê bêmergan bîyî. hayîdarîyê nasnameyê embazanê ma yê şehîdan wina yê: 

Hemra Laşer û Tolhildanî heta guleyê xo yê peyênî şer kerdo, teslîmbîyayîş qebûl nêkerdo û bîyê nameyê xoverdayîşê fedaîyî. Her di embazê ma zî bi hişmendîya roja şehîdbîyayîşî yê hemra Şehîd Hakî Karerî yê 18’ê Gulane, bi slogana “Teslîmbîyayîş beno bi îxanetî, xoverdayîş beno bi serkewtişî” hemverê dişmenî de xoverdayîşêko tarîxî ramoto û derbeyê giranî dayê dişmenî ro. Çi şertê de benê wa bibê hemrayê ma bîyê wayîrê tewirêkê şorişgêrî.

Xoverdayîşê hemrayanê ma ma rê beno peyam, tewir û xoverdayîşêko layîqê Xelfetî û yê hêreme. Hem tewirê di hemrayanê ma yê ke bi fedaîtîye xover dayo û hem zî şarê ma yo ke xover dayo wayîrê mana û ercêkê pîlî yê. Ganî her kes bizano ke ma do vîrameyîşanê şehîdanê xo bidê ciwînayene, hemverê îşkenceyanê serê şarê xo cewabo ke lazim o rew yan zî erey bidê. Tu sûcê hemverê şarê Kurdî û ercanê şarî Kurdî do bêcewab memano. 

Nê bingeyî ser o sere de keyeyê ercayeyî yê hemrayanê ma Laşer û Tolhildanî ê şehîdî, sereyê hemeyê şarê Kurdê welatperwerî weş bo, ma soz danê mîrasê mucadeleyo ke şehîdanê ma ma rê verdayo biresnê serfirazîye.”