HPG’yî di gerîlayî yad kerdî

HPG’yî nasnameyê 2 gerîlayanê ke 25’ê Temmuze de qezaya Amedîye ya Duhokî de hêrişê hewayîyî yê artêşa Tirkî de şehîd bîyê, eşkera kerdî.

Merkezê Çapemenî û Îrtîbatî yê HPG’yî eşkerayîya nûştekîye daye û vat  hêrişê hewayîyî yê 25’ê Temmuze de Hamza Tolhildan (Gokan Bûlût) û Şervan Kato ( Eyvas Gok) şehîd bîyî.

Eşkerayîya HPG’yî nê ameyî vatene: ‘’25’ê Temmuze de teyareyanê şerî yê artêşa Tirkî mabênê dewanê Dêraşe û Kanê yê  qezaya Amedîye ya Duhokî bombardûman kerd. Netîceya  hêrişê hewayîyî yê artêşa Tirkî de  embazê ma Hamza Tolhildan (Gokan Bûlût) û Şervan Kato ( Eyvas Gok) şehîd bîyî. Sere de keyeyê ercayeyî yê embazanê ma yê ke şehîd bîyê ma temamê şarê xo yê welatperwerî rê serweşîye wazenê û soz danê ke ma do mucadeleyê xo yê azadîya Kurdan biresnê serfirazîye.”

Gerîlayê ke şehîd bîyî nasnameyê înan wîna yê:

 

Name Peyname: Gokan Bûlût

Nameyê Qodî: Hamza Tolhildan

Cayê Bîyayîşî: Konya

Maye-Pî: Zelîha - Mûstafa

Tarîx û Cayê Şehadetî: 25'ê Temmuze 2019  / Gare

 

Nameyê Qodî: Şervan Kato

Name Peyname: Eyvas Gok

Cayê Bîyayîşî: Şirnex

Maye-Pî: Hayat - Vecîp

Tarîx û Cayê Şehadetî: 25'ê Temmuze 2019 / Gare