Merkezê Çapemenî û Îrtîbatî yê HPG’yî derheqê babete de eşkerayîyêk weşanaye û vat, “Ma eşkerayîya xo ya 13’ê Temmuze de pêhesnabi ke netîceyê hêrişê hewayîyî yê artêşa TC’yî ya îşxalkare yê 8’ê Temmuze ke wareyê Deşta Xanê yê qezaya Çelê ya Colemêrgî ser o kerdîbî de 3 embazê ma şehîd bîyê.”  

Goreyê eşkerayîye nasnameyê gerîlayanê ke şehîd bîyê wina yê:

Nameyê Qodî: Dilşad Adil  Name Peyname: Mûhîttîn Yilmaz Cayê Bîyayîşî: Colemêrg Maye-Pî: Beyaze-Mehmet Tarîx û Cayê Şehadetî: 8'ê Temmuze 2019 / Çelê

Nameyê Qodî: Navdar Ararat Name Peyname:  Sînan Duzgun Cayê Bîyayîşî: Agirî Maye-Pî: Ayşe-Salîh Tarîx û Cayê Şehadetî: 8'ê Temmuze 2019 / Çelê

Nameyê Qodî: Simko Serhildan Name Peyname: Azad Agrali Cayê Bîyayîşî: Colemêrg Maye-Pî: Nesîbe-Cemîl Tarîx û Cayê Şehadetî: 8'ê Tîrmeha 2019'an / Çelê

Eşkerayîye de ame vatene, “Embazê ma Dilşad, Navdar û Simko dormeyêkê welatperwerî de ameyî dinya û emrê ciwanîye de mucadeleyê azadîye nas kerd.

Hemrayê ma Dilşad serra 2008 de Colemêrg ra tewrê refanê gerîla bi. Gama ke tewrê refanê gerîlayan bi ra nata bi hawayêkê aktîfî tewrê ci bi, bi pratîkêkê bitesîrî hemverê dişmenî de têgêra. Hemrayê ma Dilşad xo bi metodê gerîlayê dewrê neweyî resna, bi ked û fedakarîya xo tewrê refanê gerîlayan bi. Hemrayê ma Dilşad ke mucadele seba xo kerd metodêkê cuye qey hemrayanê xo bi çimeyêkê moralî yo pîl.

Hemrayê ma Navdar serra 2013 de Agirî ra tewrê mîyanê refanê azadîye bi. Emrêkê ciwanî de têgêrayîşê gerîlayan nas kerd û bi girêdayîşê xo yê cuye û mucadeleyî hemrayanê xo rê bi çimeyêkê moralî yo pîl. Wextêk ke hêrişê dişmenî xeylî bîbî giranî mesuldarîyê xo bê kemasî bica ardî.

Hemrayê ma Simko qezaya Geverî ya Colemêrgî de ame dinya. Serra 2014 de tewrê mîyanê refanê mucadeleyî bi. Vîsta destpêkî ra nata bi fedakarî tewrê gerîlayan bi. Embazê ma Simko bi durustî û kedkarîya xo ameyêne naskerdene. Hemrayê ma Dilşad, Navdar û Simko ke bi şîyarê 'Kurdistano azad, Rayberîya azade' tewrê mîyanê refanê mucadeleyî bîyî, hemverê dewleta Tirkî ya îşxalkare de şer kerd û seba serkewtişê mucadeleyê azadîya Kurdan heta vîsta peyêne xover da.

Bi nameyê gerîlayanê azadîya Kurdistanî sere de keyeyê ercayeyî yê embazanê ma yê ke şehîd bîyê ma temamê şarê xo yê welatperwerî rê serweşîye wazenê û soz danê ke ma do mucadeleyê xo yê azadîya Kurdan bi ser bifînê.”