HPG’yî gerîlayê ke Amed de şehîd bîyî bi vîr ardî
HPG’yî hîrê gerîlayê YJA Starî yê ke 16’ê Temmuze de qezaya Pasûrî yê Amedî de netîceya hêrişê hewayîyî de şehîd bîyî bi vîr ardî.
Merkezê Çapemenî û Îrtîbatî yê HPG’yî bi eşkerayîyêk da zaneyene ke operasyonê artêşa Tirkî yo ke 14’ê Temmuze de Pasûrê Amedî ame destpêkerdene de 16’ê menge de hêrişê hewayîyî de 3 gerîlayî şehîd bîyî û nasnameyê înan eşkera kerdî.
Eşkerayîye de ca dîya nînan: ‘’14’ê Temmuze de artêşa Tirkî ya îşxalkare qezaya Pasûrî ya Amedî de bi paştdayîşê yewîyanê nimiteyan operasyon da destpêkerdene. 16’ê menge de teyareyanê şerî yê îşxalkaran veraşan herêma operasyonî bombardûman kerde. Nê hêrişî de embazê ma Sorxwîne (Meryem Aksû), Roje (Evîndar Dûrsûne) û Vîyane (Revşen Akile) tewrê kerwanê şehîdan bîyî. Operasyon 14’ê menge de saetanê şanî de peyser ancîya. Bi nameyê gerîlayanê azadîya Kurdistanî sere de keyeyê ercayeyî yê embazanê ma yê ke şehîd bîyê ma temamê şarê xo yê welatperwerî rê serweşîye wazenê û soz danê ke ma do mucadeleyê xo yê azadîya Kurdan bi ser bifînê.”
Gerîlayê ke şehîd bîyî nasnameyê înan wîna yê:
|
|
Nameyê Qodî: Sorxwîn Herekole Name Peyname: Meryem Aksû Cayê Bîyayîşî: Sêrt Maye-Pî: Edîbe – Abdullah Tarîx û Cayê Şehadetî: 16'ê Temmuze 2019 / Amed |
|
|
Nameyê Qodî: Roj Botane Name Peyname: Evîndar Dûrsûne Cayê Bîyayîşî: Şirnex Maye-Pî: Halîme – Recep Tarîx û Cayê Şehadetî: 16'ê Temmuze 2019 / Amed |
|
|
Nameyê Qodî: Vîyan Sasone Name Peyname: Revşen Akile Cayê Bîyayîşî: Êlih Maye-Pî: Sûna – Mehmet Tarîx û Cayê Şehadetî: 16'ê Temmuze 2019 / Amed
|
