Merkezê Îrtîbatî û Çapemenîye yê HPGyî derheqê çalakîyanê înan ê peyênan de eşkerayîyêke daye.

Eşkerayîye wina ya:

''Şewdirê 14ê teşrîna peyêne de artêşa tirke ya îşxalkere herêma Zapî de warê Kinyanişî ra heta Dola Bîra dest pê operasyonî kerd. Heman roje warê Kinyanişî dîya bombayan ver.

No operasyon 15ê teşrîna peyêne de heta Qela Bêdewê û Girê Şehîd Munzurî ame hîrakerdene. Heman roje saete 08:15-08:40 de hêzanê ma vera îşxalkeran Qela Bêdewê 3 çalakîyê sabotajî kerdî. Netîce de 3 mayînê îşxalkeran teqayî û xeylêk îşxalkerî ameyî cezakerdene û birîndarkerdene. No operasyon hema zî dewam keno.

Artêşa tirke ya îşxalkere Herêmanê Pawitişî yê Medya de hêrişê hewayî kerdî. Zanayîşê derheqê hêrişan de wina yê:

13ê teşrîna peyêne de warê Tîpê Tyî,  warê Kunîşka yê Zapî û warê Kozînê, Dola Şehîdan, Dola Bedranan, Geliyê Suredê, gundên Enzê, Bolê, Şêxan, Dêreşê û Bêtala yê Qendîlî , warê Sinînî yê Xakurkê dîyayî bombayan ver.

14ê teşrîna peyêne de warê Serê Metîna yê herêma Metîna û dewa Bazî ya heman herême dîyaye bombayan ver.