Merkezê Îrtîbatî û Çapemenîye yê HPGyî derheqê hêrişê îşxalî yê dewleta tirke û çalakîyanê gerîlayan de eşkerayîye daye û nê vatî:

''Artêşa tirke ya îşxalkere 17ê nîsane de vera Hêrmanê Pawitişî yê Medya hêrişê îşxalî da destpêkerdene. Çalakîyê hêzanê ma yê vera operasyonî bêmabên dewam kenê. Hêzanê ma darbeyê pîlî dayî îşxalkeran ro.

Herêma Zapî 27 rey pê teyarayanê şerî ameye bobmardumankerdene. Çalakîyanê hêzanê ma de 4 îşxalkerî ameyî cezakerdene û îşxlakerêk zî birîndar bi. Detayê çalakîyan wina yê;

17ê nîsane de warê Karkerdî 4 rey pê teyarayanê şerî ame pirodayene. Eynî roje mabênê Karker û Şehîd Ciwanî dîya bombayan ver û îşxalkeran kerd ke tîya hêzanê xo ca bikerê. Bado ke hêzanê ma mudaxale kerd ê mecbur mendî ke peyser agêrê.

18ê nîsane de warê Girê Şehîd Ciwanî pê teyarayanê şerî û helîkopteranê hêrişî dîya bombayan ver. Dima ra îşxalkeran herême de leşkerê co ca kerdî û kerd aver şirê. Hêzanê ma vera nê îşxalkeran çalakîye kerde, 3 îşxalkerî ameyî cezakerdene. Eynî roje îşxalkerê ke Karker û Girê Şehîd Ciwan de bî ameyî pirodayene, îşxalkerêk ame cezakerdene û îşxlakerêke zî birîndar bi. Saetanê serê sibayî de warê Karker û Şehîd Ciwanî pê teyarayanê şerî 13 rey ameyî bombardumankerdene.''