Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke yê 14ê çeleyî de eşkerayîye daye û nê vatî:

''Nizdîyê herêma Çemçoyî ya qezaya Şêladizê ya Amedîyê de îşxalkerî hetê hêzanê ma ra pê çekanê giranan ameyî pirodayene, di îşxalkerî ameyî cezakerdene. Nizdîyê  dewa Sîda de  zî îşxalkerî pê çekanê giranan ameyî derbkerdene. Helîkopterê Skorskyî ke waşt warê Çemçoyî de leşkeran rono hetê hêzanê ma ra pê çekanê giranan ame pirodayene, helîkopter mecbûr mend ke peyser agêro.

Artêşa tirke ya îşxalkere mewzîyê xoverdayîşî yê gerîlayan ê herêma Çemçoyî saetanê serê sibayî ra heta saetanê şanî pê çekanêkîmyewîyan 11 rey dayî bombayan ver.  Mewzîyê xoverdayîşî yê gerîlayan ke nizdîyê dewa Sîda de yê 2 rey pê teyarayanê şerî ameyî bombardumankerdene. Mewzîyê xoverdayîşî yê gerîlayan ê Warê Xoverdayîşî yê Girê FM, Girê Cûdî, Çemço, Sîda pê obus, tanq û çekanê giranan bi desan reyî ameyî pirodayene.''