Merkezê Îrtîbatî û Çapemenîye yê HPGyî bi eşkerayîyêke 3 gerîlayê şehîdî yad kerdî.

Eşkerayîye wina ya:

''Embazanê ma Devrîm, Êrîş û Qendîlî vera hêrişanê seba tasfîyeya têgêrayîşê azadîye bi destanwarî xo ver da, derbê giranî dayî dişmenî ro. Nê embazê ma hêrişanê cîyayan ê dişmenî de şehîd bîyî.

Nasnameyê embazanê ma yê şehîdan wina yê:

Embaz Devrîm Colemêrg de dadîya xo ra bîyo. Embaz Devrîmî têkoşîn sey tek rayîrî dî û 2014 de verê xo da koyanê azadan. Embaz Devrîm cade cuya gerîlatîye musa û binê şertanê zehmetan de zî wezîfeyê xo bêkêmasî ardî ca. Embaz Devrîmî pê perwerdeyanê îdeolojîkan îradeyê xo xurt kerd û xîret kerd ke vurîyayîşê xo embazanê xo reyde zî pare bikero.

Embaz Êrîş Mûş de dadîya xo ra bîyo. Embaz Êrîşî pê hêrs û kînê vera polîtîkayanê qirkerdişî yê dişmenî 2014 de verê xo da koyanê azadan. Embaz Êrîşî Başûr de xêrê perwerdeyanê îdeolojîkan û leşkerîyan ra tim xo pratîkê şerî rê amade kerd. Embaz Êrîş xîret kerd ke pratîkanê ke musayo embazanê xo de pare bikero û bi na taybetmendîya xo bi mazharê heskerdiş û hûrmetê embazanê xo.

Embaz Qendîl Efrîn de dadîya xo ra bîyo. Embaz Qendîl wextê Şorişê Rojawanî de PKK şinasna û bi nê hawayî tewrê gerîlayan bi. Embaz Qendîlî waranê tewr zehmetan ê têkoşînî ra yew Amanos de dest pê gerîlatîye kerd. Ey xeylêk çalakîyan de derbê giranî dayî dişmenî ro û wezîfeyê xo yew bi yew ardî ca. Embaz Qendîlo ke milîtano fedakar ê Apogîran bi, şehadetê ci sebebê pîlkerdişê têkoşînê ma yo.

Embazanê ma Devrîn, Êrîş û Qendîlî pê têkoşînê xo şarê ma nêzdîyê ameyoxê azadî kerd. Ma sere de keyeyanê înan rê pêro şarê welatperwerî yê kurdan rê serweşîye wazenê.''