Merkezê Îrtîbatî û Çapemenîye yê HPGyî 4 gerîlayê ke 2016 de Herêmanê Pawitişî yê Medya de şehîd bîyî yad kerdî. Eşkerayîye wina ya:

''Sibata 2016î de hêrişanê dewleta tirke yê vera Herêmanê Pawitişî yê Medya de milîtanê rayberî yê şarê ma Sureçe, Majda, Rûbar û Dijwar şehîd bîyî. Ma serrgêra şehadetê înan de embazanê xo yad kenê, soz danê ke ma bi hişmendîya layîqbîyayîşî wezîfeyanê şorişî û mesuldarîyanê xo bîyarê ca.

Nasnameyê embazanê ma yê şehîdan wina yê:

Embaze Sureçe Wan de dadîya xo rabîya. Embaze Sureçe verî xebatanê ciwanan de ca girewt û ameye destbendkerdene. Dima embaze Sureçe zanîngeh verda û tewra gerîlayan bîye. Aye perwerdeyan ra dima kesayetê xo aver berdî û xeta fermandarîya cinîyan de şîye. A pê kesayetê xo bîye mazhara heskerdişê embazanê xo.

Embaze Majda Nisêbîn de dadîya xo ra bîya. A 2015 de tewra gerîlayan bîye. Embaze Majda cade cuya gerîlatîye musaye û pê enerjîyêka pîle beşdara têkoşînî bîye. Embaze Majda xebatanê îdeolojîkan ser o perwerde girewt, xo aver berd û kesayetê xo de vurîyayîşê pîlî kerdî. A bîye gerîlayêka marîfetîne ya şarê ma.

Embaz Rûbar Efrîn de dadîya xo ra bîyo. Embaz Rûbat 2012 de vera zulmê serê kurdan tewrê gerîlayan bi. Embaz Rûbarî xo rê milîtanîya Apogîre kerde esas û nê esasî ser o perwerdeyî girewtî. Emba Rûbaro ke mazharê heskerdiş û hûrmetê pêro embazanê xo bi, xo rê têna serkewtiş sey esas girewt û bi eşqî xebitîya.

Embaz Dijwar Şirnex de dadîya xo ra bîyo. embaz Dijwar 4ê nîsane de rojbîyayîşê Rayberîye de tewrê gerîlayan bi. O cuya koyan de her çî musa û koletîye red kerde. Embaz Dijwarî pêro armanc, mesuldarî û wezîfeyê xo ardî ca. Embaz Dijwat heta ke şehîd bi tewir û kesayetê xo ra qetî tawîz nêda.

Sere de keyeyanê ercîyayeyanê embazanê xo rê ma pêro şarê welatperwerî yê Kurdîstanî rê serweşîye wazenê. Ma soz danê ke raştî û xeta şehîdan ra qetî cîya mebê, armancanê şehîdanê xo yê ezîzan qetî bîyarê ca.''