Merkezê Îrtîbatî û Çapemenîye yê HPGyî bi eşkerayîyêke 5 gerîlayê ke 2017 de Serhed de şehîd bîyî yad kerdî.

Eşkerayîye wina ya:

''8ê tebaxa 2017î de warê Çemçê yê Serhedî de hêrişanê dewleta tirke ya îşxalkere de Eyaletê Serhedî de embazê ma Xeyrî, Elî Dirêj, Êrîş, Gelhat û Rûstemî şehîd bîyî ke nê embazanê ma efsaneyî afernabî û derbê giranî dabî dişmenî ro. Nê embazanê ma vera hêrişanê tasfîyekeran ê dişmenî bi terzê Apogîrî têkoşîn kerd û pêro hêrişî şiknayî. Ma embazanê xo bi rêzdarî yad kenê. Ma soz danê ke do bibê layîqê vîrameyîş û têkoşînê înan.

Nasnameyê embazanê ma yê şehîdan wina yê:

Embaz Xeyrî Qers de dadîya xo ra bîyo. Embaz Xeyrî verî xebatanê ciwanan de ca girewt û 2015 de zî Eyaletê Serhedî de tewrê gerîlayan bi. Embaz Xeyrîyî 2016 de warê Tendurekî de rolê girîngî girewtî xo mil û rayberîya çalakîyanê serkewteyan kerde. Embaz Xeyrî ca de bi fermandarêko marîfetin û tim xîret kerd ke şer aver bero.  Embaz Xeyrîyî tim waşt ke qesasê qirkerdişanê dewlete bigêro û nê esasî ser o pêro wezîfeyê xo bi serkewtişî ardî ca.

Embaz Elî Dirêj Erzirom de dadîya xo ra bîyo. Embaz Elî Dirêjî verî xebatanê ciwanan de ca girewt û dima zî verê xo da koyanê azadan. Embaz Elî Dirêj cade cuya gerîlatîye musa, xeylêk waran de embazanê xo rê rayberîye kerde û wextêkê kilmî de zî bi fermandarêko marîfetin. Embaz Elî Dirêjî tim tecrubeyê xo embazanê xo de pare kerdî, mesuldarî û wezîfeyê giranî girewtî xo milî. Embaz Elî Dirêj pê kesayetê xo yê pakî bi milîtanêko mîsal ê Apogîran.

Embaz Êrîş Depe de dadîya xo ra bîyo. Embaz Êrîş hema ke zaf ciwan bi tewrê xebatanê têkoşînî bi û 2015 de zî tewrê gerîlayanê azadîye bi. Embaz Êrîş gerîlatîya xo de tim xîret kerd ke xo pêro waran de aver bero û giranîye daye perwerdeyî ser. Embaz Êrîş têkoşîn û şerê vera dişmenî de wayîrê kesayetê bêteredut, îrade û hêzî bi. Nê taybetmendîyê embaz Êrîşî tim embazanê ci yê têkoşînî rê do bibê hemsengî.

Embaz Gelhat Erzirom de dadîya xo ra bîyo. Embaz Gelhat hema ke zaf ciwan bi tewrê xebatanê têkoşînî bi û 2015 de zî tewrê gerîlayanê azadîye bi. Serranê 2016-2017î de ey milîtanîya xo pê şerê xo eşkera kerde û Eyaletê Serhedî de xeylêk çalakîyanê serkewteyan de ca girewt. Embaz Gelhat bi fermandarêko marîfetin û ey pê taktîkanê şerî xeylêk derbî dayî dişmenî ro. Embaz Gelhatî tim perwerîya bi embazan xo rê kerde esas û bi milîtanêko mîsal.

Embaz Rustem Mûş de dadîya xo ra bîyo. Embaz Rustemî seba ke xeyalanê xo bîyaro ca hema ciwanîya xo de verê xo da koyanê azadan. Embaz Rustem cade gerîlatîye musa. Ey warê Çemçê de mîyanê Yewinanê Firtineyî de çalakîyanê serkewteyan de rolê pîlî ardî ca. Embaz Rustemî pêro wezîfeyê xo bêkêmasî ardî ca, bi çêrî şi serê dişmenî û xo têkoşîn de xorin kerd. Embaz Rustem bi çimeyê moral û hêzî yê embazanê xo û bi nê hawayî tim embazanê xo rê bi mîsal.

Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê. Ma soz danê ke şehîdanê xo Kurdîstanê azadî de bidê ciwîyayene.''