Merkezê Îrtîbatî û Çapemenîye yê HPGyî di gerîlayê cinîyî Destîna Esendere û Rojda Cizîr ê ke payîzê 2021î de warê Besta de şehîd bîyî, bi eşkerayîyêke yad kerdî.

Eşkerayîye wina ya:

''Ame qetîkerdene ke embazê ma Destîna û Rojda menganê payîzî yê 2021î de warê Besta de operasyonê dişmenî de şehîd bîyê.

Embazê ma Destîna û Rojda seba ke qesasê qirkerdişanê dewleta tirke bigêrê tewrê refanê gerîlayan bîyî û bîyî mîsalê tewr holî yê milîtanîya Apogîran. Embazanê ma Destîna û Rojda sey fermandarêka serkêşe ya YJA-Starî pêro wezîfeyê xo bi serkewtişî ardî ca. Ma nê embazanê xo bi rêzdarî yad kenê, ma soz danê ke xeyalanê înan ê Rayberîya Azade û Kurdîstanê Azadî qetî bîyarê ca.

Nasnameyê embazanê ma yê şehîdan wina yê:

Embaze Destînaya ke aslê xo de Rojhelatê Kurdîstanî ra ya, Gever de dadîya xo ra bena. Embaze Destîna cigêrayîşanê xo ra pey 2014 de tewra gerîlayan bena. Embaze Destîna cade adapteya cuya gerîlayan bena û pratîkê xo mojnena. Embaze Destîna dima zî bena fermandarêka xurte. A 2018 de waştişê xo ser o, derbazê Vakurê Kurdîstanî bena û sey fermandarêka YJA-Starî tîya de têkoşîn kena. A tewra xeylêk çalakîyanê Botanî bena û hêrsê xo yê vera dişmenî bi nê hawayî eşkera kena. Têkoşînê aye tim ma rê do bibo mîsal.

Embaze Rojda Cizîre de dadîya xo ra bena. Embaze Rojda verî mîyanê xebatanê ciwanan de ca gêna û dima 2015 de vera hêrişanê dewleta tirke tewra gerîlayan bena. Embaze Rojda perwerde ra dima derbazê Zapî bena û tîya de bena fermandarêka marîfetîne. Embaze Rojda dima derbazê herêma Botanî bena. Embaze Rojda Botan de pê çêrî, samîmîyet û kedkarîya xo tesîrê pêro embazanê xo kena û sey fermandarêka YJA-Starî rolê xo yê serkêşîye bi hawayêkê serkewteyî ana ca.

Ma sere de keyeyanê ercîyayeyan ê şehîdanê xo rê, pêro şarê welatperwerî yê Kurdîstanî rê serweşîye wazenê.''