Merkezê Îrtîbatî û Çapemenîye yê HPGyî nasnameyê hîrê şehîdanê Girê Fmyî eşkera kerdî. Eşkerayîye wina ya:

‘’25ê gulana 2022yî de Warê Xoverdayîşî yê Girê Hekarî yê Metîna reyde Warê Xoverdayîşî yê Girê FM û Girê Cûdîyî yê Herêma Şehîd Delîlî yê Zapî bîyî hêrişanê artêşa tirke ya îşxalkere. Îşxalkerê ke tîya de ser nêkewtê 4ê temmuze de Girê Amedîyê kerd hedef. Netîceya xoverdayîşê gerîlayan de kanûna 2022yî de artêşa îşxalkere neçare mende ke tîya ra xo apey bianca. 6ê sibata 2023yî de merkezê ci Bazarcixî de erdlerzê giranî de bi des hezaran kesan dinyaya xo bedilnaye. O çax rixmo ke bi vengdayîşê Hemserekîya Konseya Rayberdişî ya KCKyî gerîlayî kewtî pozîsyonê çalakînêkerdişî artêşa îşxalkere hêrişanê xo rê dewam kerd û mabênê temmuze û êlula 2023yî de hêrişê îşxalî yê neweyî dayî destpêkerdene. Gerîlayanê azadîya Kurdîstanî payîzê 2023yî ra heta wisarê 2024î vera nê hêrişan operasyonê şorişgêrî kerdî. 4ê temmuza 2024î de artêşa tirke bi destekê PDK û Iraqî vera Girê Biharî yê Herêma Şehîd Delîlî ya Rojawanê Zapî hêrişê xo vistî astêka bîne. Nê hêrişê îşxalî rixmê adirbirnayîşê ma yê 1ê adara 2025î hema zî dewam kenê.

Xoverdayîşê Zapî yê Tarîxîyî de Eyaletê Herêma Şehîd Delîlî ya Rojawanê Zapî bi kelayanê xoverdayîşî ra yew. Tîya de 3500 ra zafêr çalakîyî ameyî kerdene. Dewleta tirke ya îşxalkere rixmê teknîk û çekanê xo zî nêeşkaye tîya de netîce bigêrta. 

Ewro zî no xoverdayîşo bêhempa Herêma Şehîd Delîlî ya Rojawanê Zapî de dewam keno. Warê Xoverdayîşê Girê FMyî zî serkêşîya nê xoverdayîşî keno. Mewzîyanê Şehîd Munzurî yê Girê FMyî de gerîlayî hîrê serran ra nata tarîxî nusenê. Serkêşanê nê xoverdayîşî ra, embaz ma û milîtanê fedayîyî Gabar Botan, Xebat Tirêj û Şervan Gerîla tîya de şehîd bîyî.

Embazê ma Gabar û Şervan temasê xo yê peyênî yê vera dişmenî de bi qehremanî têgêrayî, nînan yew çawiş û ye bînbaşi ceza kerd. Ma embazanê xo û fedayîyanê Rayber Apoyî Gabar, Xebat û Şerwanî bi rêz, minet û heskerdişî yad kenê. Ma soz danê ke armancanê înan teqîb bikerê.

Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma do qetî xeyalê şehîdanê xo Rayberîya Azade û Kurdîstanê Azadî ser bivisnê.

Nasnameyê embazanê ma yê şehîdan wina yê

Nameyê Qodî: Gabar Botan Name û Peyname: Abdurrahim Erzen Cayê Bîyayîşî: Şirnex Maye-Pî: Asya – Kazim Tarîx û Cayê Şehadetî: 4ê Sibata 2025î / Zap

 

Nameyê Qodî: Xebat Tîrêj Name û Peyname: Bedrî Elçî Cayê Bîyayîşî: Sêrt Maye-Pî: Bedrîye – Abdulaziz Tarîx û Cayê Şehadetî: 12ê Çeleyê 2025î / Zap

 

Nameyê Qodî: Şervan Gerîla Name û Peyname: Nurî Neman Cayê Bîyayîşî: Heleb Maye-Pî: Sabahe – Mustafa Tarîx û Cayê Şehadetî: 4ê Sibata 2025î / Zap

 

Embazê ma Gabar Cizîra Botanî de dadîya xo ra beno. O hêverî tewrê xebatanê ciwanan beno û 2011 de zanîngehî ra verê xo dano koyan. Embazê ma mîyanê Hêzanê Taybetan de cagêno. O Herêmanê Pawitişî yê Medya de performansêkê xurtî mojneno ra. O Mewzîyanê Şehîd Munzurî de serkêşîye kenoı û netîceyanê pîlan vejeno werte. Embazê ma Gabar beno fermandarêko marîfetîn. Ma do tim bibê layîqê mîrasê ey.

 

 

Embazê ma Xebat Dihê de dadîya xo ra beno. Embazê ma hêverî tewrê xebatanê ciwanan beno û dima 2014 de zanîngehî ra verê xo dano koyan. O Herêmanê Pawitişî yê Medya de perwerde vîneno. Embazê ma Xebat tim keno ke pêro erk û mesuldarîyanê xo bêkêmasî bîyaro ca. O mîyanê Hêzanê Taybetan de cagêno. Embazê ma mîyanê xeylê çalakîyanê serkewteyan de cagêno û bi qehremanî şehîd beno.

 

Embazê ma Şervan Heleb de dadîya xo ra beno. O beno şahîdê Xoverdayîşê Kobanê û ney ra pey 2014 de tewrê gerîlayan beno. O vera çeteyanê DAÎŞî şer keno û erkanê xo bi serkewtişî ano ca. Dima verê xo dano Herêmanê Pawitişî yê Medya û tîya de zî performansêkê qehremanwarîyî mojneno ra. O mîyanê Hêzanê Taybetan de cagêno û bi fedayîtî tewrê çalakîyan beno. O bi kesayet û xoverdayîşê xo embazanê xo rê zî beno nimûne.’’