Merkezê Îrtîbatî û Çapemenîye yê HPGyî nasnameyê çar şehîdan eşkera kerdî. Eşkerayîye wina ya:

''17ê tebaxa 2024î de warê Kêla Memê yê Botanî de hêrişê hewayî de milîtanê fedayî yê Apogîrî embazê ma Xebat Cûdî û Zamanî Amanos şehîd bîyî. Şehadetanê nînan ra dima no war bi giranî dîya bombayan ver û tede operasyon dîya destpêkerdene. Fermandarê ma yo fedayî Serhed Jêhat û milîtano fedayî embaz Yilmaz Dêrsim seba ke derbe bidê operasyonî ro têgêrayî. Mabênê wird embazanê ma û dişmenî de 18ê tebaxe de temas virazîya û no qewimîya pêkewtişî. Artêşa îşxalkere fam kerd ke pê embazanê ma nêeşka coka herême daye bombayan ver. Rixmê ney zî embazanê ma heta peynî bi qehremanî şer kerd, seba ke nêkewê destê dişmenî seba xo guleyo peyên da kişt û ê bi fedayîtî ver bi şehadetî şîyî.

Nê ewladanê şarê ma yê ercîyayeyan û fedayîyan destanê çaran o newe nuşt. Ma zî soz danê ke fedayîtîya nînan xo rê bikerê nimûne, qesasê nînan bigêrê û vîrameyîşê şehîdanê xo bipawê.

Bi nê hîsan sere de keyeyanê embazanê xo yê ercîyayeyan rê pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Serhed Jêhat Name û Peyname: Veysel Sevinç Cayê Bîyayîşî: Agirî Maye-Pî: Melek – Abdulgafur Tarîx û Cayê Şehadetî: 18ê Tebaxa 2024î / Botan

 

Nameyê Qodî: Yilmaz Dersîm Name û Peyname: Barış Kartal Cayê Bîyayîşî: Şirnex Maye-Pî: Fatma – Abdullah Tarîx û Cayê Şehadetî: 18ê Tebaxa 2024î / Botan

 

Nameyê Qodî: Xebat Cûdî Name û Peyname: Reşit Çevîk Cayê Bîyayîşî: Şirnex Maye-Pî: Saadete – Muslum Tarîx û Cayê Şehadetî: 17ê Tebaxa 2024î / Botan

 

Nameyê Qodî: Zamanî Amanos Name û Peyname: Serhat Guzel Cayê Bîyayîşî: Mêrdîn Maye-Pî: Mulkîye – Omer Tarîx û Cayê Şehadetî: 17ê Tebaxa 2024î / Botan

 

Embaz Serhed Patnosê Agirî de dadîya xo ra beno. O Roşanê Gandarbîyayîşî de 15ê tebaxa 2005î de tewra gerîlayan beno. O Xakurkê de gerîlatîyêka xurtêre keno. Dima Şehîdan de têkoşînê xo aver beno. O Dibistana Merkezî ya Partîye de perwerde gêno û beno gerîlayêko marîfetîn. O Xakurkê de qasê 15 serran fermandarîye keno, beno perwerê Rayber Apoyî û şehîdan. O dima agêreno Vakurî û tîya de zî bi fedakarî û qehremanîye têkoşîn keno. 

Embazê ma Yilmaz Silopîyaya Şirnexî de dadîya xo ra beno. O 2013 de beno gerîla, Botan de perwerde vîneno, tîya ra verê xo dano Herêmanê Pawitişî yê Medya. Embazê ma Yilmaz rixmê pêro şert û mercanê zehmetînan zî tim erkanê xo yê şorişgêrîye ano ca. O mojneno ke Apogîrê fedakarî do qetî teslîm nêbê.

Embazê ma Xebat Şirnex de dadîya xo ra beno. Embazê ma Xebat 2016 de Garzanî ra tewrê gerîlayan beno. O Garzanî ra dima derbazê Herêmanê Pawitişî yê Medya beno. Embazê ma Xebat vera artêşa îşxalkere bi fedakarî şer keno û beno fedayîyêko pîl. Embazê ma Xebat bi îradeyêkê pîlî beno şerwanê azadîye.

 

 

Embazê ma Zamanî Dêrika Çîyayê Mazî de dadîya xo ra beno. O wextêk zîndan de maneno û dima tewrê gerîlayan beno. O cade adapteyê gerîlatîye beno û xo aver beno. Embazê ma Zamanî beno fedayîyêko nimûne. O pêro erk û mesuldarîyanê xo bêkêmasî ano ca û tewrê karwanê şehîdan beno.''