Mekezê Îrtîbatî û Çapemenîye yê HPGyî derheqê şehadetê di şehîdan de eşkerayîye daye û nê vatî:

14ê hezîrana 2024î de Warê Xoverdayîşî yê Dola Maran ê herêma Avaşînî de hêrişê dişmenî de hemrayê ma mîlîtanê Apoyîyî Akîf Gabar û Bager Kurdîstan şehîd bîyî.

Hemrayê ma Akîf û Bager ê ke zerrîya înan semedê azadîye sey adirî vêşayênî û semedê azadîya şarê ma berpirsîyarîya pîle girewte xo ser û tewrê refanê gerîlayan bîyî, her hela cuyeya têkoşînê xo bêteredurî dîyarîya şarê xo kerd. Hemrayanê ma Akîf û Bager vera dewleta tirke ya qirkere têkoşîno xurt kerd û bîyî îfadeyê şênberî yê fedakarîya gerîlatîya demê neweyî.

Ma sere de keyeyanê erjîyayeyan ê hermayanê xo Akîf û Bagerî rê heme şarê welatperwerî yê Kurdîstanî rê serweşîye wazenê, ma sozê xo newe kenê ke ma do tekoşînê hemrayanê xo miheqeq ser bifînê.

Hemrayê ma yê ke şehîd bîyî nasnameyê înan wina yo:

Hemrayê ma Akîf Sîlopya de eşîrê qedîmî yê Sipêrtî de keyeyêkê welatperwerî de yeno dinya û bi taybetmendîya ehleqî û polîtîkî ya komelê şarê kurdî beno pîl. Seba ke merdimanê ci ra tewrbîyayîşî est ê PKKyî qijtîya xo ra nas keno. Xebatanê ciwananê şorişgêran de ca geno û partîya ma dahîna nêzdî ra nas keno û 2014 de verê xo dano koyanê Kurdîstanî û tewrê refanê gerîlayan beno.

Perwerdeyê xo yê verênî Qendîl de geno û dima ra tîya heta 2018î yeno wezîfekerdene. Hemrayê ma Akîf seba ke babeta takdîkê gerîlayanê demê neweyî de bido pîspor perwerdeyê çeka girane geno û sey gerîlayêkê azadîye verê xo dano Zapî. 2019 de ravîyereno Avaşînî û xeylêk çalakîyanê serkewteyan de ca geno û beno mîlîtanêko Apoyî ke hetê embzanê xo ra zaf yeno heskerdene. Hemrayê Akîf 14ê hezîrana 2024î de tewrê kerwanê şehîdan beno.

Hemrayê ma Bager bajarê Amûdê yê Rojawanê Kurdîstanî de keyeyêkê welatperwerî de yeno dinya û bi  kulturê kurdan beno pîl. Seba ke keyeyê ci aktîf xebatanê şorişî de ca geno, partîya ma PKKyî qijtîya xo ra nas keno. Bi waştişê cewabdayîşê hêrişanê hêzanê îşxalkeran ê vera Rayberîye, şarê ma û gerîlayanê azadîye verê xo dano koyanê Kurdîstanî.

Bado ke perwerdeyo leşkerî û îdeolojîk geno beno gerîlayêko serkewte û tewrê xebatan beno. Seba ke taktîkanê gerîlayan ê dewrê neweyî rê eleqya ci est a perwerdeyê taktîkanê sukast û sabotajî geno. Dima ra bi waştişê ey şino herêma Avaşînî û tîya xeylêk çalakîyanê serkewteyan de ca geno û beno beno mîlîtanêko Apoyî ke hetê embzanê xo ra zaf yeno heskerdene. Hemrayê Bager pîya bi hemrayê ma Akîfî 14ê hezîrana 2024î de tewrê kerwanê şehîdan beno.''