Merkezê Îrtîbatî û Çapemenîye yê HPGyî bi beyanatêkî nasnameyê di gerîlayan eşkera kerd.

Beyanatê HPGyî wina yo:

"Ma beyanatê xo yê 17ê teşrîna peyêne de dabi eşnawitene ke 15ê teşrîna peyêne de hêrişê teyarayanê şerî yê artêşa tirke ya îşxalkere de herêma Heftanînî ya Herêmanê Pawitişî yê Medya de 2 embazê ma şehîd kewtî. Zanayîşê derheqê embazanê ma yê şehîdan de wina yê:

Nameyê Qodî: Alîşer Zagros

Name û Peyname: Muhammed Suleyman

Cayê Bîyayîşî: Minbic

Maye-Pî: Mihe-Suleyman

Tarîx û Cayê Şehadetî: 15ê Teşrîna Peyêna 2019î / Heftanîn

Nameyê Qodî: Sîdar Serhat

Name û Peyname: Serhat Çokşen

Cayê Bîyayîşî: Mûş

Maye-Pî: Mûhtebere-Abdulhalik

Tarîx û Cayê Şehadetî: 15ê Teşrîna Peyêna 2019î / Heftanîn

Embazê ma Alîşer û Sîdar seba azadîya şarê kurdî û şarê herême wextê cîya de tewrê Têgêrayîşê Têkoşînê Azadîye bîyî. Embazanê ma heta hêla peyêne bi hawayêkê çalakî têkoşîn kerd û bîyî wayîrê kede û xîretêkê pîlî. Ma sere de keyeyanê embazanê ma yê şehîdan rê pêro şarê Kurdîstanî yê welatperwerî rê serweşîye wazenê. Ma soz danê ke ma do têkoşînê xo yê azadîya şarê Kurdîstanî û azadîya Rayber Apoyî dewam bikê.

Hêrişê Hewayî

Teyarayanê şerî yê artêşa tirke ya îşxalkere hêrişê Herêmanê Pawitişî yê Medya kerd.3ê kanûne de teyarayanê şerî warê Şikefta Birîndaran û Çemoyî yê herêma Zapî ser o bombayî varnayî. Heman roje teyarayanê şerî warê Tepê Sorî yê herêma Avaşînî ser o bombayî varnayî. 4ê kanûne de teyarayanê şerî bajarêkê Çemankî yê herêma Gare ser o bombayî varnayî. Nê bombardûmanan de zerarêk nêresa hêzanê ma."