HPGyî nasnameyê hîrê şehîdan eşkera kerdî
HPGyî nasnameyê hîrê şehîdan eşkera kerdî û vat: ''Xêrê fermandara ma ya fedayîye embaze Nûdeme û şorişgêranê milîtanîya fedayîye embazanê ma Dilda û Vînare ra ma ver bi serfîrazîye şinê.''
Merkezê Îrtîbatî û Çapemenîye yê HPGyî nasnameyê hîrê şehîdan eşkera kerdî. Eşkerayîye wina ya:
''Milîtanê serkêşî yê partîya ma PKK û PAJKî, şerwanê çêrî yê YJA-Starî, şorişgêrê nimûneyî yê ke her ca û wextî de wayîrê erkanê xo vejîyayêne embazê ma Nûdeme, Dilda û Vînare Herêmanê Pawitişî yê Medya de menganê adare û gulane yê 2023yî de şehîd bîyî.
Têkoşînê ma yo ke serkêşîya cinîyan de berz beno, bedelan bido zî xêrê fermandara ma ya fedayîye embaze Nûdeme û şorişgêranê milîtanîya fedayîye embazanê ma Dilda û Vînare ra ma ver bi serfîrazîye şinê. Ma pê sereberz ê ke nê fedayîyanê Apgîran de embazîye kerda. Armanê ma yo tewr pîl o ke layîqê nînan bibê, vîrameyîşanê înan bidê ciwîyayene, xeyalanê înan bîyarê ca û qesasê înan bigêrê. Nê esasî ser o ma sere de keyeyanê şehîdanê ma yê ercîyayeyan rê, pêro şarê Kurdîstanî yê welatperwerî rê serweşîye wazenê.
Nasnameyê embazanê ma yê şehîdan wina yê:
|
|
Nameyê Qodî: Nûdeme Sîdar Name û Peyname: Fîlîze Tekîndag Cayê Bîyayîşî: Mûş Maye-Pî: Fazîme – Salîh Tarîx û Cayê Şehadetî: Adara 2023yî / Herêmê Pawitişî yê Medya |
|
|
Nameyê Qodî: Dilda Dilbirîn Cûdî Name û Peyname: Mizgîne Kulter Cayê Bîyayîşî: Şirnex Maye-Pî: Delale – Nurettîn Tarîx û Cayê Şehadetî: Adara 2023yî / Herêmê Pawitişî yê Medya |
|
|
Nameyê Qodî: Vînare Hêvî Name û Peyname: Dîlane Saglam Cayê Bîyayîşî: Adana Maye-Pî: Halîde – Adîl Tarîx û Cayê Şehadetî: Gulana 2023yî / Herêmê Pawitişî yê Medya |
Embaze Nûdeme Mûş de dadîya xo ra bena û Îstanbul de bena pîl. La a qetî kurdayetîya xo ra fek vera nêdana. Embaze Nûdema ke apê ci û merdimê ci şehîd ê 2010 de tewra gerîlayan bena. Embaze Nûdeme Xakurkê de gerîlatîye pratîze kena û xebatanê xo yê serkewteyan ra dima bena fermandare. A wextêk karanê KJKyî de zî cagêna û 2017 de zî tewra Hêzanê Taybetan bena. Embaze Nûdeme tim kena ke erk û mesuldarîyanê xo bi serkewtişî bîyara ca. Embaze Nûdeme xeta Zîlane de bena fedayîye û tewra karwanê şehîdan bena.
Embaze Dilda Şirnex de dadîya xo ra bena. Embaze Dilda wextê xoverdayîşê xoîdarekerdişî de qirkerdişê dewlete vînena û vera hêrişanê dewlete Botanî ra tewra gerîlayan bena. A Herêmanê Pawitişî yê Medya de dest pê gerîlatîye kena û dana peyê rêçê merdimanê xo yê şehîdan. Embaze Dilda esasê felsefeya azadîya cinîyan a Rayber Apoyî de têkoşîn kena û bena fermandare. Embaze Dilda tim vernîya şerî de cagêna û heta şehadetê xo bi milîtanî şer kena.
Embaze Vînare keyeyêkê amedijî de Adana de dadîya xo ra bena. Embaze Vînare destpêk de xebatanê ciwanan de cagêna û dima 2015 de verê xo dana koyan, bena gerîla. Embaze Vînare Qendîl de dest pê gerîlatîye kena û tim xo aver bena. A sey gerîlayêka YJA-Starî erkê serkêşîye ana ca. Embaze Vînare çarçewa Hemleya Cengê Xabûrî de bi aktîfî cagêna û xeylêk çalakîyan de derbanê giranan dana dişmenî ro. Ma do mîrasê aye yê têkoşînî bi serkewtişî tacîdar bikerê.''
