Merkezê Îrtîbatî û Çapemenîye yê HPGyî nasnameyê şehîdanê Avaşînî eşkera kerdî.
Eşkerayîye wina ya:
''7ê hezîrana 2020î de herêma Avaşînî de hêrişê dişmenî de embazê ma û milîtanê Apogîrî yê ercîyayeyî Serxwebûn, Şerker û Xemgîn şehîd bîyî. Ma serrgêra şehadetanê înan de embazanê xo Serxwebûn, Şerker û Xemgînî bi rêz û minetî yad kenê û perwerîya xo ya bi vîrameyîşanê înan ancî anê ziwan.
Embazanê ma Serxwebûn, Şerker û Xemgînî vera kesayetê koleyî yo ke dişmenî û hemkaranê ci waştêne awan bikerê, şer kerd û tewirê kurdanê azadan temsîl kerd.
Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê.
Nasnameyê embazanê ma yê şehîdan wina yê:
![](https://anfturkce.com/uploads/tr/articles/2024/06/20240607-image-20240607082814-1-jpeg1ba9b5-image.jpg)
|
Nameyê Qodî: Serxwebûn Sêrt
Name û Peyname: Îrfan Ayhan
Cayê Bîyayîşî: Sêrt
Maye-Pî: Gulistane – Fikri
Tarîx û Cayê Şehadetî: 7ê Hezîrana 2020î / Avaşîn
|
![](https://anfturkce.com/uploads/tr/articles/2024/06/20240607-image-20240607082814-2-jpeg017646-image.jpg)
|
Nameyê Qodî: Şerker Botan
Name û Peyname: Baxtiyar Abdullah
Cayê Bîyayîşî: Silêmanî
Maye-Pî: Kafiya – Abdullah
Tarîx û Cayê Şehadetî: 7ê Hezîrana 2020î / Avaşîn
|
![](https://anfturkce.com/uploads/tr/articles/2024/06/20240607-image-20240607082814-3-jpeg0399c3-image.jpg)
|
Nameyê Qodî: Xemgîn Amûdê
Name û Peyname: Mahir Xerîb
Cayê Bîyayîşî: Amûdê
Maye-Pî: Aliya – Mahmud
Tarîx û Cayê Şehadetî: 7ê Hezîrana 2020î / Avaşîn
|
Embazê ma Serxwebûn Sêrt de dadîya xo ra beno. O hêverî xebatanê ciwanan de cagêno û 2013 de Amedî ra tewrê gerîlayann beno. Embaz Serxwebûn dima derbazê Zapî beno. O 2014 de vera cerganê DAÎŞî Kobanê de şer keno û dima ancî agêreno koyan. O Akademîya Mahsum Korkmazî de perwerde vîneno û derbazê Avaşînî beno. Embaz Serxwebûn tim derbanê giranan dano dişmenî ro û heta şehadetê xo têkoşînî aver beno.
Embazê ma Şerker Silêmanî de dadîya xo ra beno. O wextê hêrişanê DAÎŞî de binê tesîrê xoverdayîşê gerîlayan de maneno û 2016 de tewrê gerîlayan beno. Embaz Şerker Qendîl de perwerde vîneno û xo aver beno. Qendîlî ra o verê xo dano herêma Avaşînî. Embaz Şerker tîya de têkoşînêkê zixmî mojneno ra û hêrsê vera dişmenî keno sebebê pîlkerdişê têkoşînî. O seba ciwananê Başûrî beno Apogîrêko nimûne.
Embaz Xemgîn Amûdê de dadîya xo ra beno. O 2014-15 de Rojawan de refanê xoverdayîşî de cagêno û dima zî 2016 de tewrê gerîlayan beno. Embazê ma Xemgîn bi tecrubeyanê xo yê leşkerîyan embazanê xo perwerde keno û çalakîyanê bitesîran keno. Embazê ma Xemgîn pêro erk û mesuldarîyanê xo ano ca. O embazanê ma Serxwebûn û Şerkerî reyde wexto ke erkê xo ser de bi şehîd beno. Ma soz danê ke bibê perwerê vîrameyîşê ci.''