Merkezê Îrtîbatî û Çapemenîye yê HPGyî nasnameyê hîrê şehîdan eşkera kerdî. Eşkerayîye wina ya:

''30-31ê temmuza 2024î de herêma Elkê ya Botanî de embazanê ma û milîtananê Apogîran Eyleme û Sozdare vera operasyonê dişmenî bi ruhê nê dewrî û bi fedayîtî şer kerd û ê şehîd bîyî.

Sey embazanê nînan ma soz danê ke seba ke layîqê nînan bibê ma do têkoşînê azadîye yê embazanê xo berz bikerê û xeyalê înan ê cuya azade bîyarê ca.

Nasnameyê embazanê ma yê şehîdan wina yê:

Nameyê Qodî: Eyleme Stêrk Name û Peyname: Meryeme Onur Cayê Bîyayîşî: Şirnex Maye-Pî: Kadrîye – Ahmet Tarîx û Cayê Şehadetî: 30-31ê Temmuza 2024î / Botan

 

Nameyê Qodî: Sozdare Evîn Name û Peyname: Betule Aydin Cayê Bîyayîşî: Çewlîg Maye-Pî: Valîde – Nusrettîn Tarîx û Cayê Şehadetî: 30-31ê Temmuza 2024î / Botan

Embaza ma Eyleme Hezex de dadîya xo ra bena. A ciwanîya xo de kewena peyê persan û ercnayîşêkê dergî ra dima 2014 de verê xo dana koyan. A wextêkê kilmî de bena gerîlayêka YJA-Starî ya marîfetîne. A 2015 de agêrena Vakurê Kurdîstanî. A xeylêk waranê Vakurê Kurdîstanî de şer kena û bi kesayetê xo embazanê xo rê bena mîsal. A bi tewirê xo yê milîtanîye û pratîkanê xo mojnena ke gerîlayêka cinîye ganî senî biba. Embaza ma Eyleme tim bena perwera şehîdan û Rayber Apoyî.

 

Embaza ma Sozdare Çewlîg de dadîya xo ra bena. A bi tesîrê derûdorê xo yê kolonîzekerdeyî hêverî mîyanê partîyanê sîstemî de xebitîyena. La dima a şehîdanê ma yê Çewlîgî Sema–Zîlan Azak û Şehîd Seran–Berfîn Bezencir de embazîyêka raştikêne virazena. Nê hîrê embazê ma pîya Bedlîs de şinê zanîngehî. Embaze Sozdare tîya de ciwananê welatperweran ê bînan zî şinasnena û tewra xebatanê ciwanan bena.Embaza ma 2015 de zî verê xo dana koyan û bena gerîla.  A wextêk Garzan de manena, dima derbazê Kato Marînosî bena. Embaza ma Sozdare embaze Azê Malazgîrtî ra perwerde gêna û derbazê Herêmanê Pawitişî yê Medya bena. Şehadetanê embaze Azê û Serane ra dima hêrsê embaze Sozdare vera dişmenî zêdîyeno. A hîna zaf tewra xebatan bena û xo aver bena. Embaze Sozdare tim kena ke qesasê şehîdan bigêra û bi nê hawayî bena şerwanêka YJA-Starî ya qerardare. Embaze Sozdare peynîya xo de rêçêkê bêhempayî verdena û bena şehîd.

 

Armanç Devrîm

12ê tebaxa 2024î de warê Kato Marînosî yê Botanî de embaza ma Armançe Devrîm vera vengdayîşê teslîmîyetî yê dişmenî cewabêkê raştikênî da, heta nefesê xo yê peyênî şer kerd û şehîd bîye.

Ma soz danê ke têkoşînê embze Armançe qetî biresnê serfîrazîye. Sere de keyeyê ci yê ercîyayeyî rê ma pêro şarê Kurdîstanî yê welatperwerî rê serweşîye wazenê.

Nasnameyê embaza ma Armançe wina yo:

Nameyê Qodî: Armançe Devrîm Name û Peyname: Hacere Tekîn Cayê Bîyayîşî: Colemêrg Maye-Pî: Asya – Haci Tarîx û Cayê Şehadetî: 12ê Tebaxa 2024î / Wan

 

Embaza ma Armançe Gever de dadîya xo ra bena. Tewrbîyayîşê dezayê xo ra dima embaze Armançe hîna zaf eleqe mojnena xoverdayîşê gerîlayan. A Xoverdayîşê Kobanê ra dima bi qerardarî tewra gerîlayan bena. A Zagrosan de perwerde vînena û dima derbazê Herêmanê Pawitişî yê Medya bena. Embaze Armançe tim xoverdayîşêkê xurtî kena û sey gerîlayêka YJA-Starî pêro erk û mesuldarîyanê xo bêkêmasî ana ca.Embaze Armançe hêrsê xo yê vera dişmenî vurnena pratîkî û têkoşînêkê bêmabênî kena.''