HPGyî nasnameyê hîrê şehîdan eşkera kerdî
HPGyî nasnameyê hîrê şehîdanê Xakurkê eşkera kerdî û vat: ''Ma ancî soz danê ke ma do hesreta şehîdanê xo Kurdîstanê Azadî awan bikerê.''
NASNAMEYÊ ŞEHÎDAN
Merkezê Îrtîbatî û Çapemenîye yê HPGyî nasnameyê hîrê şehîdan eşkera kerdî. Eşkerayîye wina ya:
''Hêrişanê dewleta tirke ya îşxalkere yê vera herêma Xakurkê de 4ê tebaxa 2024î de embazê ma Asrîne û Xwînda, 24ê tebaxa 2024î de zî embazê ma Rûstem şehîd bîyî.
Ma sere de keyeyanê embazanê xo Asrîne, Xwînda û Rûstemî rê pêro şarê Kurdîstanî yê welatperwerî rê serweşîye wazenê.
Nasnameyê embazanê ma yê şehîdan wina yê:
|
|
Nameyê Qodî: Asrîn Bawer Name û Peyname: Sevda Topçu Cayê Bîyayîşî: Riha Maye-Pî: Ayhan – Şehmus Tarîx û Cayê Şehadetî: 4ê Tebaxa 2024î / Xakurkê |
|
|
Nameyê Qodî: Xwînda Çiya Name û Peyname: Necla Ahmed Silêman Cayê Bîyayîşî: Dêrika Hemko Maye-Pî: Zeynepe – Ahmed Tarîx û Cayê Şehadetî: 4ê Tebaxa 2024î / Xakurkê |
|
|
Nameyê Qodî: Rustem Serhed Name û Peyname: Şahin Pekur Cayê Bîyayîşî: Îdir Maye-Pî: Gulçine – Salih Tarîx û Cayê Şehadetî: 24ê Tebaxa 2024î / Xakurkê |
Embaza ma Arîne Riha de dadîya xo ra bena. Embaze Asrîne cigêrayîşan ra pey 2014 de verê xo dana koyan û bena gerîla. A perwerdeyan ra dima bena gerîlayêka marîfetîne ya YJA-Starî. A Xakurkê de bena wayîra kedêka pîle û Herêmanê Pawitişî yê Medya de tewrê xeylêk çalakîyanê serkewteyan bena.
Embaza ma Xwînda Dêrika Hemkoyî yê Rojawanê Kurdîstanî de dadîya xo ra bena. A hêverî Şorişê Rojawanî de cagêna û dima zî 2016 de tewrê gerîlayan bena. A Herêmanê Pawitişî yê Medya de erk kena û tim bi perwerdeyan xo aver bena. Embaza ma Xwînda prosesanê şerê çetinî de bi fedakarî erk kena.
Embazê ma Rûstem Îdir de dadîya xo ra beno. O hêverî xebatanê ciwanan de cagêno û dima xeyalê xo yê gerîlatîye ano ca. O 2019 de tewrê gerîlayan beno. Embaz Rûstem xeylêk waranê têkoşînî de beno wayîrê kedêka pîle û herêma Xakurkê de bi aktîfî tewrê xebatan beno. O heta şehadetê xo têkoşînî ra gfek vera nêdano.''
