Merkezê Îrtîbatî û Çapemenîye yê HPGyî bi eşkerayîyêke di gerîlayê ke Çelê şehîd bîyî  yad kerdî. 

Eşkerayîya HPGyî wina ya: ''Hêzanê ma 17ê êlul a 2020î de Qilê Şehîd Bîlalî yê qezaya Çelê ya Colemêrgî de vera îşxalkeran çalakîyêka bitesîre kerde. Hemrayê ma Berxwedan û Gabarî ke na çalakîye de bi tewirê fedaîyî serkêşîye kerd û derbê giranî dayî dişmenî ro, bi şerkerdişê qehremankî tewrê kerwanê şehîdan bîyî. Zanayîşê nasnameyanê embazanê ma wina yê:

Hemra Berxwedan warê xoverdayoxan de ameyo dinya û bi kulturê Botanî biyo pîl. Semedê pawitişê erd û şarê xo 2015 de verê xo dayo koyanê Kurdîstanî û her tim semedê qesasgirewtişî vera dişmenî têkoşîno pîl da. Hemrayê Berxwedan çalakîya xo ya peyêne ya vera artêşa tirke de kewt mewzîyanê dişmenî, derbê pîlî dayî înan ro û bi sembolê kesayetê mîlîtanê serkewteyî.

Hemrayê ma Gabar keyeyêkê welatperwerî yê Kobanê ke bi xoverdayîşê xo destan nuşt, de ameyo dinya. Hemra Gabaro ke xo bi zanayîşê neteweyî, kulturê xoverdayîşî û felsefeya Apoyîyî aver berd 2017 de semedê xelisnayîşê şarê kurdî tewrê sefanê gerîlayan bi. Hemrayê ma Gabarî ke tim seba ke vernîya cepheyî de ca bigero xîret kerdêne heta hele peyêne keda pîle daye û mîyanê fedaîyanê Kurdîstanî de cayê xo yo bimbarek girewt.

Sere de keyeyanê ercîyayeyan ê embazanê ma yê şehîdan rê ma pêro şarê Kurdîstanî rê serweşîye wazenê. Ma soz danê ke ma do têkoşînê înan biresnê serkewtişî.''