Merkezê Îrtîbatî û Çapemenîye yê HPGyî nasnameyê panc şehîdan eşkera kerdî û nê vatî:

''Gerîlayê Azadîye yê Kurdîstanî vera îşxalkeranê ke wazenê estbîyayîşê şarê ma binate ra wedarê, her dewrî de bi hewayêkê fedayîyî  şer kenê. Semedê ameyoxê azadî yê şarê ma, ganê xo danê. 2017 de zî gerîlayanê azadîye herra Kurdîstanî ya bimbareke pawite û derbeyê girdî dayî dişmenî ro. Hemrayêma Bêrîtane, Argeş, Bakur, Sîdar û Berxwedan  cepheyê vernî de sey fedayîyan şer kerd û tewrê şehîdanê ma yê bêmergan bîyî. Ma do têkoşînê embazanê xo yê şehîdan bi serkewtişî tacîdar bikerê.

Nasnameyê embazanê ma yê şehîdan wina yê:

Nameyê Qodî: Berîtane Çiya Name û Peyname: Aycane Baytar Cayê Bîyayîşî: Êlih Maye-Pî:  Songul – Huseyin Tarîx û Cayê Şehadetî:  2017 / Herêmê  Pawitişî yê Medya

 

Nameyê Qodî: Argeş Tolhildan Name û Peyname: Ramadan Bedri Cayê Bîyayîşî: Heleb Maye-Pî: Hamide – Bedri Tarîx û Cayê Şehadetî:  2017 / Herêmê Pawitişî yê Medya

 

Nameyê Qodî:  Bakur Kurtay Name û Peyname: Yusuf Ertaş Cayê Bîyayîşî:  Wan Maye-Pî: Perihane – Tahsin Tarîx û Cayê Şehadetî:  2017 / Herêmê Pawitişî yê Medya

 

Nameyê Qodî: Sîdar Adar Name û Peyname: Adem Ozkan Cayê Bîyayîşî: Agirî Maye-Pî: Muazzeze – Amhet Tarîx û Cayê Şehadetî:  2017 / Herêmê Pawitişî yê Medya

 

Nameyê Qodî: Berxwedan Gelhat Name û Peyname:  Yakup Donmuş Cayê Bîyayîşî: Şirnex Maye-Pî: Koçê – Muhyettin Tarîx û Cayê Şehadetî:  2017 / Herêmê Pawitişî yê Medya

 

Embaza ma Bêrîtane Êlih de yena dinya û bi kulturê welatperwerîye  bena pîl. Sey cinîya ciwanê koletîya ke sîstemî cinîyan rê fasilnaya, qebul nêkena û kewna têkoşînî dima. Xeta cinîya azade ya Rayber Apoyî bala aye ancena. Coka wazena zafêr PKKyî nas bikero. 2014 de gama ke hêrişê vera şarê ma zêdîyenê, embaza ma Bêrîtane tewrê sefanê Gerîlayanê Azadîye yê Kurdîstanî bena û cewabê tewr girdî danê hêrişanê înkar û îmhayî. Embaza ma ke Avaşîn de tewrê sefanê gerîlayan bena, badê perwerdeyê gerîlatîye yê verênî seba ke bibo gerîlayêka serkewtîye ya PKK û PAJKî zaf xebityena.

Hemrayê ma Argeş Heleb de yeno dinya û keyeyêk de pîl beno ke  gerîlayê ci est ê. Seba ke keyeyê ci welatperwer o qictîya xo ra Têgêrayîşê Azadîye yê Kurdîstanî nas keno. Hemrayê ma Argeş  2014 de tewrê sefanê Gerîlayanê Azadîye yê Kurdîstanî beno. Hemrayê ma Argeş demê kilmî de gerîlatîye museno, xo her hetî ra aver beno û hema serranê xo yê ciwanan de beno fermandar. Xoverdayîşê Zapî de mîyanê çalakîyanê serkewteyan de aktîf ca geno û wezîfeyê xo ano ca.

Hemrayê ma Bakur Wan de yeno dinya û keyeyêkê kedkarî de beno pîl. Gama ke metropolanê tirkan de unîversîte waneno vera hêrişanê dewleta tirke yê ke bi hewayêkê sîstematîkî vera kurdan yenê kerdene de tewrê xebatanê ciwanan beno: 2014 de tewrê sefanê Gerîlayanê Azadîye yê Kurdîstanî beno.  Badê perwerdeyê şervananê neweyan ravêreno herêma Zapî. Hemrayê ma Bakuro ke tewrê Hêzên Taybet beno, bi tewirê xo yê hêzdarî heme wezîfeyanê xo bi serkewtişî ano ca.

Hemrayê ma Sîdar Agirî de yeno dinya bi keyeyêkê welatperwerî de beno pîl. Sey her kurdî embazê ma Sîdar zî hema qictîya xo de rîyê dişmenî yo leymin û tarî nas keno û hêrsê vera dişmenî beno pîl. Hemrayê ma Sîdar 2015 de tewrê sefanê Gerîlayanê Azadîye beno û waranê zehmetan ra Cîlo de perwerdeyê şervananê neweyan temam keno. Dima ra sey gerîlayêkê serkewteyî tewrê pratîkê zehmetî yê Zagrosan beno.

Hemrayê Berxwedan Silopîya de yeno dinya û kulturê welatperwerîye beno pîl. 2014 de tewrê sefanê Gerîlayanê Azadîye yê Kurdîstanî beno. Demê kilmî de xo hetê leşkerî û îdeolojîkî ra aver beno û sey gerîlayêkê serkewteyî koyanê Kurdîstanî de dest pê partîkê gerîlatîye keno. Bedo ke xeylêk tecrube pêser keno verê xo dano Zagrosan û vera îşxalkeran têkoşîno bitesîr rayra beno.''