Merkezê Îrtîbatî û Çepemenîye yê HPGyî nasnameyê şehîdêkî eşkera kerd û derheqê hêrişanê dewleta tirke de zanayîş da.

Eşkerayîya HPGyî de nê ameyî vatene:

''Ma eşkerayîya xo ya 11ê sibate de vatbi; 'Têgêrayîşê ma seba ke prosesê erdlerzî de derbê şaran bêrê piştene, çalakîyê hêzanê xo yê pawitişê meşrûyî vindarnayî. Rixmê nê qerarî artêşa tirke ya îşxalkere bi bombayanê qedexeyan, tanq û çekanê giranan hêrişê mewzîyanê xoveradayîşî  kerd. Hêrişê artêşa tirke yê  vera mewzîyanê xoverdayîşî yê ke nêzdîya dewa Sîda de yê, 9ê sibate de hemarayê Mazlûm şehîd bi.'

Şehadetê hemrayê ma Mazlûm Dêrşewî û hêrişê dewleta tirke yê bêmabênî  mojnenê ke rojîmo faşîst ê AKP-MHPyî qerarê têgêrayîşê ma yê merdîmî senî îstîsmar keno. Ma sere de keyeyê erjîyayeyî yê hemrayê xo Mazlûm Dêrşewî, heme şarê Botan û Kurdîstanî rê serweşîye wazenê û sozê serkewtişî newe kenê.

Nasnameyê hemrayê ma Mazlûm Dêrşewî wina yo:

Nameyê Qodî: Mazlum Dêrşewî Name û Peyname: Osman Uzen Cayê Bîyayîşî: Şirnex Maye-Pî: Sultane – Ali Tarîx û Cayê Şehadetî: 9ê Sibata 2023yî / Zap

Hemrayê ma Mazlûm Şirnex de yeno dinya û eşîrê Dêrşewî de beno pîl. Hema domanîya xo de PKKyî nas keno û ciwanîya xo de sefanê têkoşînî de cayê xo geno. Hemrayê ma Mazlûm seba ke sey ciwanêkê kurdî tewrê serhildananê vera dişmenî beno, yeno destbendkerdene la têkoşînê xo ra peyser game nêerzeno. Eqse ci de têkoşînê xo girdêr keno. Seba ke merdimê ci mîyanê sefanê gerîlayan de est ê û hêrişê DAÎŞî yê vera Kobanê de zaf şehadedetî qewimîyenê, zaf binê tesîrî înan de maneno. Hemrayê ma Mazlûm  2014 de verê xo dano koyanê Kurdîstanî û tewrê sefanê gerîlayan beno. Bedê perwerdeyê verênî, perwerdeyê leşkerî û îdeolojîkî vîneno û sey gerîlayêkê serkewteyî 2019 de verê xo dano Zapî. Tîya xeylêk çalakîyanê serkewteyan de aktîf ca geno. Hemrayê ma Mazlûm 9ê sibata 2023yî de hêrişê dişmenî de tewrê kerwanê şehîdan beno.

         

        

Hêrişê îşxalî dewam kenê

17ê sibate de  de mewzîyê xoverdayîşî yê dormeyê dewa Sîda ya bajarekê Şêladizê yê Amedîye ameyî bombardumankerdene. Hêzanê ma semedê xo pawitişî pê çekanê giranan cewab da. Eynî roje Herêma Çemçoyî ya bajarekê Şêladizê yê Amedîye de îşxalkeran hêriş kerd. Hêzanê ma semedê xo pawitişî pê taktîkê suîkastî cewab da, îşxalkerêk ame cezakerdene. Îşxalkeran mewzîyê xoverdayîşî yê herêma Çemço û dewa Sîda pê bombayanê qedexeyan, tanq, obus û çekanê giranan dayî bombayan ver.''